नंदुरबार जिल्हा क्रिकेट आसोसिएशन येथे नुकत्याच झालेल्या नंदुरबार अंडर 19 महिला जिल्हा संघाच्या निवड चाचणी मध्ये मनमाड येथील भुमी क्रिकेट अकॅडमी मधील खेळाडु साक्षी शुक्ला या खेळाडुची महाराष्ट्र क्रिकेट आसोसिएशन द्वारे आमंत्रितांच्या स्पर्धेसाठी नंदुरबार जिल्हा संघामध्ये निवड झाली. पुणे येथे 04 मे 2023 पासुन हे सामने खेळवले जात आहेत. ज्यात साक्षी शुक्ला संघाच्या कर्णधार पदाची धुरा सांभाळत आहे.
या सामन्यांमध्ये चांगले प्रदर्शन करुन साक्षी महाराष्ट्र राज्यांच्या संघात सामील होऊन मनमाडसाठी पहिली रणजी खेळाडु होवो अशी अपेक्षा तिच्याकडून केली जात आहे.
मनमाड शहरातुन सातत्याने साक्षी जिल्हा संघासाठी खेळत आहे. तिच्या चांगल्या कामगीरीसाठी सर्वाकडुन शुभेच्छा देण्यात येत आहेत. या कामगिरीसाठी साक्षीचे प्रशिक्षक श्री. सिध्दार्थ ( भोला ) रोकडे यांचे मार्गदर्शन तिला लाभले.
भुमी क्रिकेट अकॅडमी मनमाड चे आधारस्तंभ श्री. ईरफान मोमीन व मार्गदर्शक मा. राजाभाऊ पगारे , गणेशभाऊ धात्रक , संजय निकम , श्रेणिक बरडिया , हबीब शेख , तय्यब शेख , सिध्दार्थ बरडिया,परवेज शेख , कौशल शर्मा , सनी फसाटे , परेश राऊत
तसेच संचालक वाल्मीक रोकडे व सिध्दार्थ ( भोला ) रोकडे यांच्या तर्फे साक्षी शुक्ला हिचे अभिनंदन करुन पुढिल वाटचालीसाठी शुभेच्छा देण्यात आल्या.
