मनमाड – करंजवण जलवाहिनी मार्गावर पाइप लाईन टाकण्याचे काम युध्द पातळीवर सुरू असून ह्या पाइप लाईन मध्ये अडथळा ठरणाऱ्या रायपूरच्या दुकानदार ग्रामस्थांनी स्वतःहुन आपली दुकाने काढून घेऊन १ लाख ३० हजार मनमाडकरांना पिण्याचे पाणी देण्यासाठी मोलाचे सहकार्य केले. त्यांचा सत्कार थेट रायपूर येथे जाऊन रायपूर ग्रामपंचायत कार्यालयाचे प्रांगणांत मनमाड बचाव कृती समितीतर्फे करण्यांत आला. सत्कारार्थी श्री. सुरेश महादु सोनवणे (घर, शेड, झोपडी) श्री. मंगेश दत्तात्रय खालकर, श्री. सुनिल शिरापुरे, श्री. ज्ञानेश्वर वाल्मिक कोल्हे (हॉटेल)या ग्रामस्थ / दुकानदारांनी त्यांच्या दुकानांचे/घराचे/ हॉटेलचे शेड काढून घेतांना त्यांना जे नुकसान सोसावे लागले त्याबद्दल मनमाडकरांचे वतीने मनमाड बचाव कृती समिती तर्फे जाहीर माफी मागण्यात आली.
