इयत्ता दहावीचा सीबीएससी 2023 च्या परीक्षेचा निकाल 11मे रोजी जाहीर झाला. यावर्षीही मनमाडच्या केंद्रीय विद्यालयाने आपली उज्वल यशाची परंपरा कायम ठेवली. या परीक्षेत केंद्रीय विद्यालय मनमाडच्या विद्यार्थ्यांनी घवघवीत यश संपादन केले. एकूण 26 विद्यार्थी या परीक्षेला बसले होते त्यापैकी सर्वच्या सर्व विद्यार्थी उत्तम गुण संपादन करून यशस्वी झाले. केंद्रीय विद्यालयाची विद्यार्थिनी कु. खुशबू कुमारी 93.8 % गुण मिळवून विद्यालयात प्रथम आली, सत्यम सिंग 91.4 % गुण द्वितीय, रिद्धी गायकवाड 88.8 % तृतीय, समीक्षा परदेशी 88.4 % चतुर्थ तसेच सिमरन गुप्ता 81.6% गुण मिळवत विद्यालयात पाचवी आली.
यशस्वी विद्यार्थ्यांचे रेल्वे कारखान्याचे मुख्य प्रबंधक व केंद्रीय विद्यालयाचे चेअरमन श्री मयंक सिंग , केंद्रीय विद्यालयाचे प्राचार्य श्री सुनील परदेशी, सर्व शिक्षक व विद्यालय परिवारातील सर्व सदस्यांनी अभिनंदन केले.
यशस्वी विद्यार्थ्यांना प्राचार्य श्री सुनील परदेशी, विनोद माळी, अनिल जीन्जवाडिया, मनोज मलासी, दिनेश जांगिड , सोनाली गुंडगळ, सविता वाघ इत्यादी शिक्षकांनी मोलाचे मार्गदर्शन केले.
महाराष्ट्र राज्याचे शालेय शिक्षण मंत्री नामदार दादाजी भुसे व नांदगाव विधानसभा मतदारसंघाचे आमदार सुहास अण्णा कांदे यांचा भव्य नागरी सत्कार नाशिक स्वामीनारायण बँक्वेट हॉल येथे संपन्न झाला.
याप्रसंगी मंचावर नाशिक जिल्ह्यातील शिवसेनेचे नेते पदाधिकारी शिवसैनिक उपस्थित होते. नागरी सत्कार...
