शनिवारी ३जुन ला शिवसेना खासदार संजय राऊत यांच्या हस्ते उत्तर महाराष्ट्र स्तरीय सलादे बाबा बळीराजा गौरव कृषी सन्मान सोहळा वडनेर भैरव ता. चांदवड येथे आयोजित करण्यात आला आहे. कार्यक्रम अध्यक्ष म्हणून श्री गौत्तम बापू पाटील हे असणार आहे अशी माहिती आयोजक श्री. मनोहर नाना पाटोळे, उपाध्यक्ष श्री. रामचंद्र आप्पा मोरे सचिव राहुल पाचोरकर यांनी प्रसिध्द केलेल्या पत्रकात दिली आहे.
राज्य स्तरीय कार्यक्षेत्र असलेल्या सलादे बाबा कला क्रीडा व कृषी मंडळ यांच्या वतीने हा नाशिक, धुळे, जळगांव, नगर आणि नंदूरबार या पाच जिल्हयातील प्रगतीशील शेतकरी यांचा सन्मान सलादे बाबा कला क्रीडा व कृषी मंडळ ट्रस्ट च्या वतीने तीस शेतकरी यांचा सलादे बाबा बळीराजा गौरव कृषी सन्मान देण्यात येणार आहे. हा कार्यक्रम दिनांक ३/६/२०२३ रोजी सायंकाळी साडे पाच वाजता जनता विद्यालय वडनेर भैरव ता. चांदवड जिल्हा नाशिक येथे होईल.या सन्मान सोहळ्यास विशेष उपस्थिती विधानसभा उपाधक्ष नामदार नरहरी झिरवाळ हे असणार आहे तर शिवसेना उद्धव बाळासाहेब ठाकरे गट चे खासदार संजय राउत यांच्या हस्ते हा सन्मान सोहळा होत आहे. यावेळी कादवा कारखाना चेअरमन श्रीराम शेटे, आमदार दिलीप काका बनकर, मविप्र सरचिटणीस नितीन ठाकरे, माजी आमदार उत्तम बाबा भालेराव, माजी आमदार शिरीषकुमार कोतवाल, काँग्रेस आय जिल्हा शेतकरी अध्यक्ष संपतराव वक्ते,माजी आमदार अनिल कदम, शिवसेना उपनेते बबनराव घोलप, उपनेते अद्वय हिरे, उपनेते सुनील बागुल, जिल्हा संपर्क प्रमुख जयंत दिंडे, मविप्र संचालक डॉ. सयाजी गायकवाड, जिल्हा प्रहार उपाध्यक्ष श्री. गणेश निमबाळकर, शिवसेना ठाकरे गट जिल्हा प्रमुख नितीन दादा आहेर, कादवा संचालक सुभाष शिंदे, कादवा संचालक सुखदेव जाधव, चांदवड कृषी उत्पन्न बाजार समिती अध्यक्ष संजय जाधव, उपाद्यक्ष कारभारी आहेर, डॉ. आत्माराम कुमाई, हे असणार आहे. कार्यक्रम अध्यक्ष गौतम बापू पाटील हे असणार आहे.यावेळी कादवा कारखाना व्हाईस चेअरमन श्री. शिवाजी दादा बस्ते, निवृत्ती माळी, कोंडाजी नाना पाचोरकर, भास्करराव पांडुरंग निफाडे, श्री. दौलतराव भालेराव यांना कृषी क्षेत्रातील प्रगतीशील शेतकरी यांना जीवनगौरव हा सन्मान दिले जाणार आहे.
जनता विद्यालय वडनेर भैरव येथे उत्तर महाराष्ट्र स्तरीय तीस शेतकरी यांना बळीराजा गौरव सन्मान पुरस्कार दिला जाणार आहे. यावेळी सल्लागार दत्तात्रय निखाडे विश्वस्त दीपक पाचोरकर,सुरेश तात्या उशीर, महेंद्रसिंग परदेशी,अनिल पवार, उत्तम भोसले, जमदाडे कायदेशीर सल्लागार पोपटराव पवार,कार्यक्रमाचे संयोजक श्री दत्तात्रय शिंदे मानसिंग धोंमसे युवराज सगर हे उपस्थित होते.
