नांदगाव सोमनाथ घोंगाणे
नांदगाव शहरातील शाकांबरी व लेडीं नदीच्या संगमावर असलेल्या उद्यानात आज पुण्यश्लोक अहिल्यादेवी होळकर यांच्या पुर्णाकृती पुतळयाच्या जागेचे भुमीपुजन संपन्न झाले.
येत्या दोन महिन्यात पुण्यश्लोक अहिल्यादेवी होळकर यांच्या पूर्णाकृती पुतळ्याचे भव्य असे ना भूतो ना भविष्य असे अनावरण सोहळा आयोजित करण्यात येईल असे प्रतिपादन पुण्यश्लोक अहिल्यादेवी होळकर यांच्या जयंतीनिमित्त आयोजित भुमीपुजनप्रसंगी आमदार सुहास कांदे यांनी केले.
नांदगाव तालुक्यातील जनतेची गेल्या अनेक वर्षंपासूनची मागणी आज पूर्ण होत आहेत. जयंतीच्या पवित्र मुहूर्तावर बुधवार (दि.३१) रोजी दुपारी ४ वाजता नगरपालिका उद्यान शनी मंदिर पुलाजवळ, नांदगाव येथे पुण्यश्लोक अहिल्यादेवी होळकर स्मारकाचे भूमीपूजन आमदार सुहास कांदे व सौ.अंजूम कांदे यांच्या हस्ते आज संपन्न झाले.
याप्रसंगी जेष्ठ नेते बापुसाहेब कवडे,कृ.उबा.सभापती अर्जुन पाटील,एकनाथ सदगीर,माजी नगराध्यक्ष राजेश कवडे, साईनाथ गिडगे, डॉ. संजय सागळे ,योगेश पाटील, समाधान पाटील,शिवाजी पाटील, राजेश शिदे,
तहसीलदार सिध्दार्थ मोरे, गटविकास अधिकारी गणेश चौधरी, मुख्यधिकारी विवेक धांडे, किरण देवरे,प्रमोद भाबड,अमोल नांवदर,नांदगाव व मनमाड परिसरातील राजकीय नेते, शिवसेना पदाधिकारी, कृउबा संचालक मंडळ, धनगर समाज बांधव मोठ्या संख्येने उपस्थित होते.
