नांदगाव सोमनाथ घोंगाणे
नांदगाव तालुक्यातील पिंपरखेड येथील कै. पुंडलिक पांडूरंग मवाळ विद्यालयात आंतरराष्ट्रीय योगादिन साजरा करण्यात आला. या प्रसंगी नांदगाव येथील प्रसिद्ध योग शिक्षिका डॉ.जागृती पवार व डॉ.किर्ती आहेर यांनी विद्यार्थ्यी व शिक्षकांना योग व प्राणायामाचे धडे दिले. अनेक उपयुक्त व दैनंदिन आरोग्याच्या दृष्टीने अत्यावश्यक योग व प्राणायामाचे प्रकार त्यांनी सांगितले व तसे प्रात्यक्षिक करून घेतले. यातून विद्यार्थी व शिक्षकांना प्रेरणा मिळाली. या पुढे नियमित योग करणार असल्याचे विद्यार्थ्यांनी सांगितले.
यावेळी दोन्ही योग प्रशिक्षक मान्यवरांचा विद्यालयाच्या वतीने शॉल व श्रीफळ देऊन सत्कार करण्यात आला.या कार्यक्रमाला प्रेरणा मुख्याध्यापक मा. काशिनाथ गवळी यांची होती. कार्यक्रमाच्या यशस्वीतेसाठी विद्यालयातील जेष्ठ शिक्षक श्री. बोरसे सर, श्री. कांदळकर सर, श्रीमती शिंदे मॅडम, श्री. पठाडे सर, श्री. सोनवणे सर, श्री. जाधव सर, श्री. संदीप मवाळ, श्री. आबासाहेब सोनवणे यांनी विशेष परिश्रम घेतले.
