छत्रे विद्यालयात विश्व योगदिन साजरा

छत्रे विद्यालयाने विश्व योग दिन येथील महर्षी वाल्मिकी स्टेडियमवर साजरा केला. याप्रसंगी क्रीडा प्रशिक्षक श्री प्रवीण व्यवहारे सर यांनी योगाच्या प्रत्येक आसनाची माहिती देत विद्यार्थ्यांकडून व उपस्थित सर्वांकडून सर्व योग प्रकार करून घेतले. राष्ट्रीय खेळाडू कु.दिया किशोर व्यवहारे व कृष्णा संजय व्यवहारे यांनी योगासणाची बहारदार प्रात्यक्षिक करीत सर्वांची वाहवा मिळविली. शाळेचे शिक्षक श्री धनंजय भामरे सर यांनी प्राणायामाचे महत्त्व सांगत प्रत्यक्ष प्राणायाम प्रकार करून दाखवले त्यानुसार विद्यार्थी व शिक्षकांनी आनंदाने सर्व योग प्रकार केले याप्रसंगी सामाजिक कार्यकर्ते पंकज खताळ उपस्थित होते. त्यांनी विद्यार्थ्यांसाठी एनर्जी ड्रिंक चे वाटप केले तसेच सर्वांना योग दिनाच्या शुभेच्छा दिल्या संस्थेचे संचालक नाना कुलकर्णी तसेच मुख्याध्यापक आर्.एन. थोरात यांनी मार्गदर्शन करून सर्वांना योग दिनाच्या शुभेच्छा दिल्या. सचिव दिनेश धारवाडकर, संचालक प्रसाद पंचवाघ,मुख्याध्यापक आर.एन.थोरात,उप मुख्याध्यापक संदीप देशपांडे,ज्येष्ठ पर्यवेक्षक प्रवीण व्यवहारे, पर्यवेक्षिका सौ.पोतदार तसेच सर्व शिक्षक शिक्षकेतर कर्मचारी व विद्यार्थी मोठ्या संख्येने उपस्थित होते.