नाशिक जिल्हा रिपब्लिकन पक्षाचे जिल्हाध्यक्ष प्रकाश लोंढे यांचा मंत्रीमंडळात समावेश करावा अशा आशयाचे निवेदन रिपब्लिकन पार्टी ऑफ इंडिया आठवले गटाचे नांदगाव तालुका युवा अध्यक्ष गुरुकुमार निकाळे, सचिव ऍड.प्रमोद आहिरे यांनी राष्ट्रीय अध्यक्ष रामदास आठवले यांना दिले आहे.
उत्तर महाराष्ट्रातील आंबेडकरी चळवळीचा झंजावात, गाव तीथे शाखा घर तीथे कार्यकर्ता ही रिपब्लिकन संकल्पना, अहोरात्र रक्ताचे पाणी करुन पक्षासाठी झटणारे पँथर चळवळीतील सक्रिय कार्यकर्ता ते लोकनेता नाशिक जिल्हाध्यक्ष प्रकाश लोंढे यांची आगामी होणाऱ्या मंत्रीमंडळ विस्तारामध्ये मंत्री म्हणून वर्णी लागावी. नाशिक जिल्हा व उत्तर महाराष्ट्राला यावेळी न्याय मिळेल. जेणे करुन भविष्यामध्ये पक्ष गतीमान करण्यासाठी व रिपब्लिकन चळवळ तळागाळात रुजविण्यासाठी मदत होईल अशी आम्ही आपणास उत्तर महाराष्ट्र व नाशिक जिल्ह्याच्या तमाम आंबेडकरी व रिपब्लिकन पक्षाच्या वतीने विनंती करतो. असे दिलेल्या निवेदनात म्हटले आहे.
मनमाड येथे शांतीब्रम्ह एकनाथ महाराज चतुर्थ शतकोत्तर रौप्य महोत्सवाला भाविकांचा उस्फूर्त प्रतिसाद.सोहळ्यात श्रवणीय किर्तनांची पर्वणी
मनमाड : योगेश म्हस्के शांतीब्रम्ह एकनाथ महाराज चतुर्थ शतकोत्तर रौप्य महोत्सवा निमित्ताने...
