ऑनलाइन खेळण्यात पैसे हरल्यामुळे अनेक जण आपली जीवनयात्रा संपवित असून अशीच एक घटना पुण्यात घडली आहे. पुण्यात ऑनलाईन जंगली रमीने बळी घेतल्याचा धक्कादायक प्रकार समोर आला आहे. ऑनलाइन जंगली रमीमध्ये वीस हजार रुपये हरला. त्यामुळे तरुणाने गळफास घेऊन आत्महत्या केल्याची घटना घडली आहे. ही घटना पिंपरी चिंचवडमधील तळेगाव दाभाडे परिसरात रविवारी (दि. ८) रात्री घडली आहे.
गणेश सोमनाथ काळदंते असे आत्महत्या करणाऱ्या तरुणाचे नाव आहे. पोलीसांनी दिलेल्या माहितीनुसार, गणेश हा कॅब चालक होता. तो स्वतःची गाडी चालवायचा. त्याला जंगली रमीबरोबरच मद्यपान करण्याचे व्यसन होते. रविवारी घरात सर्वजण असताना होते. अशावेळी गणेशने स्वतःच्या बेडरूममध्ये गळफास घेऊन आत्महत्या केली.
