Breaking News

[post-marguee]

[ays_poll id=7]

येवल्यातील पारख पतसंस्थेतील २२ कोटी रुपयांच्या फसवणुकीतील संशयित अजय जैन सह एकाला मनमाड शहरातून अटक – चार दिवसांची कोठडी

Jul 22, 2023

मनमाड – येवल्यातील (कै.) सुभाषचंदजी पारख नागरी सहकारी पतसंस्थेच्या घोटाळ्यातील मुख्य संशयित आरोपी अजय जैन याच्यासह अक्षय छाजेड या दोहोंना नाशिकच्या स्थानिक गुन्हे शाखेने पाळत ठेवून मनमाड शहरातून ताब्यात घेतले. या दोघांना न्यायालयात हजर केले असता त्यांना चार दिवसांची पोलिस कोठडी सुनावण्यात आली असल्याचे नाशिक ग्रामीण पोलिसांनी दिलेल्या प्रसिद्धीपत्रकात म्हटले आहे.

येवला शहरात असलेल्या (कै.) सुभाषचंदजी पारख नागरी सहकारी पतसंस्थेचे चेअरमन, संचालक मंडळ, व्यवस्थापक, संस्थेचे कर्मचारी अशांनी संगनमत करून खातेदार व ठेवीदारांना विविध योजनांचे जास्त व्याजदराचे आमिष दाखवून लोकांचा विश्वास संपादन करून ठेवीदारांच्या पैशांचा स्वतःच्या आर्थिक फायद्यासाठी उपयोग करून ठेवीदारांची २१ कोटी ९६ लाख ९९ हजार ८५० रुपयांची फसवणूक केली होती. या प्रकरणातील मुख्य आरोपी अजय भागचंद जैन हा गुन्हा

घडल्यापासून फरारी होता. त्याला अटक करण्यासाठी नाशिक ग्रामीण जिल्हा पोलिस अधीक्षक शहाजी उमप यांनी स्थानिक गुन्हे शाखेच्या पथकाची नेमणूक केली होती. अजय जैन हा गुन्हा घडल्यापासून राजस्थान, गुजरात, मध्य प्रदेश तसेच महाराष्ट्रातील विविध शहरांमध्ये लपत होता. मात्र, पोलिसांना मिळालेल्या गुप्त माहितीच्या आधारे अजय जैन हा छत्रपती संभाजीनगर जिल्ह्यात असल्याचे समजले असता तातडीने पथक रवाना करण्यात आले. मात्र, छत्रपती संभाजीनगर येथील वाळूज एमआयडीसी भागात त्याचा शोध घेतला असता तो मनमाड शहरात असल्याची खात्रीशीर माहिती मिळाली.

त्या आधारे स्थानिक गुन्हे शाखेच्या पथकाने पाळत ठेवून मनमाड शहरातील माधवनगर भागातून अजय जैन (छाजेड), अक्षय रवींद्र छाजेड (दोघेही रा. येवला) यांना ताब्यात घेतले. या दोघांना न्यायालयात हजर केले असता चार दिवसांची पोलिस कोठडी सुनावण्यात आली. आर्थिक गुन्हे शाखेचे पोलिस निरीक्षक राहुल तसरे पुढील तपास करीत आहेत.

अजून बातम्या वाचा..

पवित्र रमजान महिन्याच्या पार्श्वभूमीवर नगरपरिषदेने सर्व मशिदिंमध्ये पाणी उपलब्ध करून द्यावे : फुले शाहू आंबेडकर मुस्लिम विचार मंच चे फिरोज शेख यांची मागणी

पवित्र रमजान महिन्याच्या पार्श्वभूमीवर नगरपरिषदेने सर्व मशिदिंमध्ये पाणी उपलब्ध करून द्यावे : फुले शाहू आंबेडकर मुस्लिम विचार मंच चे फिरोज शेख यांची मागणी

मनमाड: मुस्लिम समाजाचा पवित्र रमजान महिना सुरू असून लहान लहान मुलांपासून तर अनेक वयोवृद्ध...

read more
पंचवटी एक्सप्रेस व गोदावरी एक्सप्रेस नांदगाव वरून सोडव्या ; शिवसंस्कार बहु उद्देशीय संस्थेचे भारती पवार यांना निवेदन

पंचवटी एक्सप्रेस व गोदावरी एक्सप्रेस नांदगाव वरून सोडव्या ; शिवसंस्कार बहु उद्देशीय संस्थेचे भारती पवार यांना निवेदन

मनमाड कुर्ला गोदावरी एक्सप्रेस व मनमाड छत्रपती शिवाजी टर्मिनस पंचवटी एक्सप्रेस या दोन्ही गाड्या...

read more
गोदावरीच्या वेळेवर उन्हाळी विशेष गाडी सुरू; चाकरमाने आणि प्रवाशांमध्ये मात्र रेल्वे प्रशासनाने दिशाभूल केल्याचा आरोप

गोदावरीच्या वेळेवर उन्हाळी विशेष गाडी सुरू; चाकरमाने आणि प्रवाशांमध्ये मात्र रेल्वे प्रशासनाने दिशाभूल केल्याचा आरोप

यंदाच्या अर्थसंकल्पात रेल्वेच्या विकासासाठी भरीव तरतूद करण्यात आली आहे देशभरातील ४०० रेल्वे...

read more
डॉ.बाबासाहेब आंबेडकर यांच्या जयंतीनिमित्त आयोजित “भिमोत्सव 22″ला आज पासुन सुरवात

डॉ.बाबासाहेब आंबेडकर यांच्या जयंतीनिमित्त आयोजित “भिमोत्सव 22″ला आज पासुन सुरवात

मनमाड : महात्मा ज्योतिबा फुले आणि डॉ. बाबासाहेब आंबडेकर यांच्या जयंतीनिमित्त आयोजित भिमोत्सव 22"ला...

read more
[hsas-shortcode group="" speed="10" direction="left" gap="50"]