Breaking News

[post-marguee]

[ays_poll id=7]

नांदगावच्या जेष्ठ नागरिक संघाने केला गुणवंत विद्यार्थ्यांचा गुणगौरव

Aug 5, 2023

नांदगाव (प्रतिनिधी) समाजात ज्या चांगल्या घटना घडतात त्यांची दखल जेष्ठ नागरिक संघ घेऊन त्यांचे वेळोवेळी कौतुक व अभिनंदन करतात. ही समाजाच्या दृष्टीने एक अभिमानाची गोष्ट आहे. त्यांच्या या कार्याची समाजातील इतर संस्थांनी आदर्श घ्यावा असे मविप्र संस्थेचे नांदगाव तालुका संचालक व कृषी उत्पन्न बाजार समितीचे संचालक अमित बोरसे (पाटील) म्हणाले. ते येथील जेष्ठ नागरिक संघाने नांदगाव शहरातील विविध शाळा -महाविद्यालयात दहावी व बारावीत विशेष गुण प्राप्त गुणवंत विद्यार्थ्यांचा गुणगौरव विरंगुळा केंद्रात संपन्न झाला. या प्रसंगी ते कार्यक्रमाचे प्रमुख पाहुणे म्हणून बोलत होते.
तसेच यावेळी नांदगाव महाविद्यालयाचे प्राचार्य डॉ.एस.एन.शिंदे,रमेश बोरसे,ॳॅड.चौधरी, जेष्ठ नागरिक संघाचे अध्यक्ष श्रावण आढाव, उपाध्यक्ष जयवंत साळवे, सुरजमल संत,कुदरत अली शहा , शिवाजी गरुड, विलास बच्छाव आदी मान्यवरांच्या उपस्थितीत गुणवंत विद्यार्थ्यांचा गुणगौरव सोहळा संपन्न झाला. जेष्ठ नागरिकांच्या अनुभव, शिस्त, संस्कारांचा आदर्श गुणवंत विद्यार्थ्यांनी व पालकांनी घ्यावा.जेष्ठ नागरिक समाजात अनेक उपक्रम राबवुन समाजाला नवसंजीवनी देण्याचे काम करत आहे त्याचाच विद्यार्थी गुणगौरव समारंभ हा एक भाग आहे. त्यांचा आदर्श समाजाने घ्यावा.असे प्रतिपादन यावेळी प्राचार्य डॉ.एस.एन. शिंदे यांनी केले. प्रमुख पाहुण्यांच्या हस्ते सरस्वती पुजन व दिपप्रज्वलन करण्यात आले. कार्यक्रमाचे प्रास्ताविक व सूत्रसंचालन प्रा. सुरेश नारायणे यांनी केले. या प्रसंगी दहावीत विविध शाळेत प्रथम आलेले विद्यार्थी
वैष्णवी प्रविण जावरे, मोहिनी सोमनाथ देशमुख,दर्शनी विनायक कुमावत,पायल गोरख काकळीज,चंचल राजेश सानप, वैभवी रविंद्र वाघ,आफिया जाविद खाटीक,जुबिया अन्सारी रफिक,पुनम निलेश सुराणा, संस्कृती किरण डोंगरे, तर गंगाधर ओंकार कोल्हे, कला शाखेत प्रथम, प्रसाद भालचंद्र चौधरी, वाणिज्य शाखेत प्रथम,दिनेश लउनसइंग पुरोहित बारावीतील प्रथम विद्यार्थ्यांचा गुणगौरव मान्यवरांच्या हस्ते करण्यात आला. या प्रसंगी चंचल सानप,किरण डोंगरे पालक,सानप ताई पालक, प्रसाद चौधरी यांनी गुणगौरव केल्याबद्दल जेष्ठ नागरिक संघाबद्दल आदर भावना व्यक्त केली. जेष्ठ नागरिक संघाचे अध्यक्ष श्रावण आढाव यांनी जेष्ठ नागरिक संघ विविध समाजोपयोगी जे उपक्रम राबविले जातात या बद्द्लची माहिती अध्यक्षीय भाषणात दिली. व चंचल सानप या विद्यार्थ्यांनीस पुढील शिक्षणासाठी पाचशे रु. दिले तर प्राचार्य डॉ. शिंदे यांनी या मुलीस महाविद्यालयात येण्यासाठी सायकल देणार आहे हे सांगितले तर नइळकमल फोटो स्टुडिओ चे संचालक सोनल दंडगव्हाळ यांनी या विद्यार्थ्यांचे पासपोर्ट फोटो प्रा देण्यात येईल असे सांगितले. या सर्वांचे जेष्ठ नागरिक संघाने आभार व्यक्त केले. यावेळी मविप्रचे संचालक अमित बोरसे यांनी भविष्यात जेष्ठ नागरिकांना मविप्र संस्थेच्या वैद्यकीय महाविद्यालयाच्या संयुक्त विद्यमाने जेष्ठ नागरिकांचे आरोग्य शिबीराचे आयोजन करण्यात येणार असल्याचे यावेळी सांगितले. जेष्ठ नागरिक संघाचे कोषाध्यक्ष शिवाजी निकम यांनी आभार मानले.
कार्यक्रम यशस्वीतेसाठी रमाकांत सोनवणे, शिवाजी गरुड, गंगाधर थोरात,विलास बच्छाव, कारभारी काकळीज,भिका पाठक, रंगनाथ चव्हाण, कृष्णा रत्नपारखी आदींनी विशेष परिश्रम घेतले.

अजून बातम्या वाचा..

छगन भुजबळ,खा प्रफुल पटेल आणि समीर भुजबळ यांनी ओबीसी आरक्षणासाठी घेतल्या जेष्ठ विधिज्ञांच्या भेटी

ओबीसी आरक्षणावरून देशातील इतर राज्यांना वेगळा आणि महाराष्ट्राला वेगळा नियम का…? असा सवाल उपस्थित...

read more

उपकार्यकारी अभियंता वाटपाटे, यांना नांदगाव मनसे शहराध्यक्ष प्रदीप थोरात यांचा आंदोलनाचा इशारा !

नांदगाव तालुक्यामध्ये अतिवृष्टी झाल्यामुळे शेतकरी बांधवांच्या हाता तोंडाशी, आलेला घास पावसाने...

read more

महावितरणच्या नाशिक मंडळामध्ये वीजचोरी विरुद्ध मोहीम, एकाच दिवसांत ४८८ जणांवर कारवाई

वीजचोरी व अनधिकृत वापराविरोधात महावितरण गंभीर असून, याविरोधात ठोस पाऊले उचलीत कारवाईचे सत्र...

read more
नांदगाव येथील उद्यानास डॉ.यशवंत बर्वे यांचे नाव द्यावे – प्रतिष्ठित व्यापारी विजय चोपडा यांची मागणी

नांदगाव येथील उद्यानास डॉ.यशवंत बर्वे यांचे नाव द्यावे – प्रतिष्ठित व्यापारी विजय चोपडा यांची मागणी

 नांदगाव येथील दानशूर, सेवाभावी व्यक्तिमत्त्व कर्मयोगी डॉ. य. म. बर्वे यांचे काल निधन झाले. मूळचे...

read more

बाजार समित्यांना बळकट करण्यासाठी महाराष्ट्र कृषि उत्पन्न पणन (विकास व विनियमन) अधिनियम सुधारणा करणार

मुख्यमंत्री उद्धव ठाकरे यांच्या अध्यक्षस्थानी राज्यातील बाजार समित्यांना अधिक बळकट करण्यासाठी...

read more

तिन्ही सैन्यदलांचे प्रमुख (CDS) बिपिन रावत यांचं तामिळनाडूमध्ये झालेल्या हेलिकॉप्टर दुर्घटनेमध्ये निधन..

आज दुपारी तामिळनाडूच्या कुन्नूर भागात भारतीय वायुदलाचं एमआय १७ ५ व्ही हे अत्याधुनिक आणि उच्च...

read more
[hsas-shortcode group="" speed="10" direction="left" gap="50"]