मनमाड : महात्मा गांधी विद्यामंदिर संचलित कला, विज्ञान व वाणिज्य महाविद्यालय, मनमाड येथे कर्मवीर भाऊसाहेब हिरे ग्रुपचे मॅनेजिंग डायरेक्टर मा. डॉ. अपूर्व हिरे यांच्या शैक्षणिक व सामाजिक कार्याचा गौरव करण्यासाठी त्यांच्या वाढदिवसाचे औचित्य साधून समाजाभिमुख अशी अपूर्व दत्तक योजना महाविद्यालयात सुरू करण्यात आली.
या योजनेअंतर्गत नसीम शेख (प्रथम वर्ष कला), साक्षी बिलोरे ११वी (विज्ञान), गायत्री मोरे (११वी कला), वैष्णवी गुंड (१२वी वाणिज्य) या विद्यार्थ्यांना महाविद्यालयाचे प्राचार्य डॉ. सुभाष निकम यांच्या हस्ते शैक्षणिक साहित्य वाटप करण्यात आले.
कार्यक्रमाचे अध्यक्ष प्राचार्य डॉ. सुभाष निकम यांनी डॉ अपूर्व हिरे यांच्या शैक्षणिक व सामाजिक कार्याचा आढावा घेऊन वाढदिवसानिमित्त शुभेच्छा दिल्या.
या कार्यक्रमाप्रसंगी वरिष्ठ महाविद्यालयाचे उपप्राचार्य बी. एस. देसले, कनिष्ठ महाविद्यालयाच्या उपप्राचार्य सौ. ज्योती पालवे, पर्यवेक्षक विठ्ठल फड, कुलसचिव श्री समाधान केदारे, महाविद्यालयातील प्राध्यापक व प्रशासकीय कर्मचारी उपस्थित होते.
महाराष्ट्र राज्याचे शालेय शिक्षण मंत्री नामदार दादाजी भुसे व नांदगाव विधानसभा मतदारसंघाचे आमदार सुहास अण्णा कांदे यांचा भव्य नागरी सत्कार नाशिक स्वामीनारायण बँक्वेट हॉल येथे संपन्न झाला.
याप्रसंगी मंचावर नाशिक जिल्ह्यातील शिवसेनेचे नेते पदाधिकारी शिवसैनिक उपस्थित होते. नागरी सत्कार...
