नांदगाव सोमनाथ घोगांणे
तालुक्यातील लोहशिंगवे येथील शेतकरी नवनाथ हेंबाडे यांच्या शेतातील शेळीवर बिबट्याने हल्ला केल्याने मृत्यूमुखी पडली आहे. बिबट्याने केलेल्या हल्ल्यामुळे परिसरातील नागरिक भयभीत झाले आहे. तालुक्यातील लोहशिंगवे गावा लगत वनविभागाचे क्षेत्र देखील मोठ्या प्रमाणात आसुन याच क्षेत्रात बिबट्याचा वावर आसल्याचे ग्रामस्थांकडून सांगण्यात येत आहे.येथील शेतकरी नवनाथ रखमाजी हेंबाडे यांच्या शेतातील शेळीवर बिबट्याने हल्ला केल्याने मृत्यूमुखी पडली आहे.शेतकऱ्यांचे नुकसान झाले आहे. लोहशिंगवे गावात बिबट्याचे दर्शन झाल्याने भीतीचे वातावरण निर्माण झाले आहे. त्यामुळे वनविभागाने पिंजरा लावण्यात आला असून बिबट्या असल्याचे वनपरिक्षेत्र अधिकारी सागर ढोले यांनी सांगितले. गंभीर दखल घेऊन बिबट्याचा बंदोबस्त करावा अशी मागणी स्थानिक नागरिक करीत आहेत. आज येथे आला तर उद्या दुसरीकडे बिबट्या जाऊ शकतो. त्यामुळेच सर्वत्र भीतीचे वातावरण आहे.
