मनमाड:- गुड शेफर्ड स्कूल मध्ये भारताचे महान हॉकीपटू मेजर ध्यानचंद यांच्या जंयतिनिमीत्त राष्ट्रीय क्रीडा दिन मोठ्या उत्साहात साजरा करण्यात आला. शाळेतील तालुका पातळीवर यशस्वी खेळाडूंच्या हस्ते मेजर ध्यानचंद यांच्या प्रतिमेचे पुजन करण्यात आले. याप्रसंगी शाळेच्या विद्यार्थिनी कु. शुभ्रा पाटील व तझिन चामडिया यांनी मेजर ध्यानचंद यांच्या क्रीडा क्षेत्रातील दिलेल्या योगदानाबद्दल विद्यार्थ्यांना माहिती सांगितली. विद्यार्थ्यांच्या मनोगता नंतर प्राचार्य डॉ.क्लेमेंट नायडू यांनी अध्यक्षीय भाषणामध्ये भारताने मेजर ध्यानचंद यांच्या नेतृत्वात खेळलेल्या सामन्यात देशाची प्रतिमा आंतरराष्ट्रीय पातळीवर उचांवली गेली, म्हणुन विद्यार्थ्यांनी खेळातुन आपले करीयर घडवावे असे प्रतिपादन केले. कार्यक्रमाचे आयोजन शाळेचे क्रीडा शिक्षक व्यंकटेश देशपांडे व परविंदर रिसम सर यांच्या मार्गदर्शनाखाली झाले.
