आज २५/०९/२०२३ सोमवार रोजी “जागतिक औषधनिर्माता दिवस २०२३” , मनमाड केमिस्ट एंड ड्रग्गिस्ट असोसिएशन तर्फे विविध उपक्रम खेळीमेळीच्या वातावरणात साजरा करण्यात आला. ब्रह्मांडनायक श्री गजानन महाराज यांचे दर्शन घेऊन सर्व औषधनिर्माता यांनी कार्यक्रमास हजेरी लावली. जिल्हा परिषद शाळा शिवाजी नगर क्रमाक.१, नेहरू भवन शाळा व आश्रम शाळा निमोन रोड, डोणगाव येथे शालेय साहित्य वाटप व प्रथम उपचार किट विद्यार्थ्यांना वाटप करण्यात आले. तसेच ग्रंथसाहिब गुरुद्वारा, बस स्टैंड व पोलिस स्टेशन, मनमाड येथे प्रथम उपचार किट व गरजे चे औषधे मोफत वाटप करण्यात आले. मनमाड केमिस्ट एंड ड्रग्गिस्ट एसोसिएशन च्या वतीने नांदगाव तालुका EC मेंबर सुनील बोगावत, माजी EC मेंबर विनोद मुनोत तालुका अध्यक्ष सचिन लुणावत, माजी तालुका अध्यक्ष मनेश काकलीज व योगेश ताथेड, मनमाड केमिस्ट असोसिएशन चे शहर अध्यक्ष समीर निकम, उपाध्यक्ष सोहेलभाई जाफरी, उपाध्यक्ष निखिल लुणावत, सचिव प्रशांत आहेर, सहसचिव मनिष कुंजरकर, संघटनेचे आधारस्तंभ व बुलंद तोफ देवेंद्र गवांदे, किरण रसाळ, रवींद्र वासकर व आसिफभाई खान यांच्या शुभ हस्ते विविध उपक्रमांना सरअंजाम देण्यात आला. औषधनिर्माता हा देशाचा एक समाजरत्नच होय व त्याचा कार्य हे समाज घडवण्यात किती मोलाचे असते हे ह्या उपक्रमा द्वारे सार्वजनिक रित्या सर्वांना सांगण्यात आले. औषधनिर्माता व त्यांचे सहकारी जिवन खताळ, अमोल देवरे, सचिन राऊत, पियुष भंडारी, रितेश ललवाणी व इतर मान्यवर उपस्थित होते. मनमाड पोलिस निरीक्षक थोरात यांनी केमिस्ट संघटनेचे कौतूक करुन, औषधनिर्माता देशाचा व समाजाचा किती महत्वाचा घटक असतो हे सांगून संघटनेची पाठ थोपटली.
