योगेश म्हस्के
मनमाड : येथील उद्योजक आणि सायकलिस्ट योगेश ताथेड यांनी 600 किमीचा सायकलिंग पुर्ण करून सायकलिंग क्षेत्रातील मनाचा समजला जाणारा “Super Randonneur” हा किताब मिळवला आहे.
मनमाड सायकलिस्ट क्लबचे मार्गदर्शक आणि नाशिक सायकलिस्ट फौंडेशनचे सदस्य श्री.योगेश ताथेड यांनी जळगाव सायकलिस्ट क्लब आयोजित 600 किमीची BRM जळगाव – शेगांव – जळगाव – धुळे – सौंदाणे-मालेगाव – धुळे – जळगाव या मार्गावर निर्धारित वेळेच्या आत 39 तासात यशस्वीपणे पुर्ण करून सायकलिंग क्षेत्रात मानाचा समजला जाणारा ” Super Randonneur ” हा किताब मिळविला आहे.
या यशाबद्दल त्यांचे शिवशक्ती सायकल येथे नाशिक सायकलिस्ट फाउंडेशनचे अध्यक्ष श्री. किशोर काळे यांच्या हस्ते योगेश ताथेड यांचे स्वागत करून शाॅल श्रीफळ पुष्पगुच्छ व मेडल देऊन सत्कार करण्यात आला. या प्रसंगी सायकलिस्ट श्री. बाळकृष्ण वेताळ ( नि.पोलीस ), श्री अमित घुगे , श्री भाऊसाहेब काळे , सौ. किरण डोंगरे ,श्री बाळासाहेब कोळे , श्री सुरेश डोंगरे हे सायकलिस्ट उपस्थित होते.
