मनमाड: महात्मा गांधी विद्यामंदिर संचलित कला, विज्ञान व वाणिज्य महाविद्यालय मनमाड येथे महात्मा गांधी विद्यामंदिर व आदिवासी सेवा समितीचे संस्थापक, कुळ कायद्याचे जनक, शिक्षण व सहकार महर्षी कर्मवीर भाऊसाहेब हिरे यांना पुण्यतिथीनिमित्त विनम्र अभिवादन करण्यात आले.
महाविद्यालयाचे प्राचार्य सुभाष निकम यांच्या मार्गदर्शनाखाली या कार्यक्रमाचे आयोजन करण्यात आले. याप्रसंगी प्रमुख वक्ते मनमाड कनिष्ठ महाविद्यालयाच्या उपप्राचार्य सौ ज्योती पालवे यांनी कर्मवीर भाऊसाहेब हिरे यांच्या शिक्षण व सहकार क्षेत्रातील कर्मवीरांच्या जीवनकार्याचा गौरव आपल्या मनोगताद्वारे केला. भूगोल विभागाचे प्रा गणेश गांगुर्डे यांनी कर्मवीरांच्या जन्मापासून त्यांच्या संपूर्ण जीवन कार्याचा इतिहास सांगितला. या कार्यक्रमाचे सूत्रसंचालन राज्यशास्त्र विभागाचे प्रा संदीप ढमाले यांनी केले. या कार्यक्रमाप्रसंगी उपप्राचार्य डॉ. बी. एस. देसले, श्री पि .के. बच्छाव कुलसचिव समाधान केदारे तसेच महाविद्यालयातील प्राध्यापक, प्रशासकीय कर्मचारी मोठ्या संख्येने उपस्थित होते.
