साकोरा परिसरात भुरट्या चोरांचा सुळसुळाट

नांदगाव : मारुती जगधने
तालुक्यातील साकोरा परिसरात यावर्षी दुष्काळी परिस्थिती मुळे भुरट्या चोरांनी शेतशिवारात चांगलेच थैमान घातल्याने अनेक छोट्या मोठ्या चोऱ्या झाल्याचे निदर्शनास येत आहे.त्यामुळे या चोरट्यांचा तात्काळ बंदोबस्त करावा अशी मागणी करण्यात
आली आहे.नागरीकानी चोरांनी चोरी केलेला माल एक मोरीच्या पशुपातळीवर लपून ठेवला तो ठाव ठिकाणा नागरीकानी उजेडात आणला .
याबाबत अधिक माहिती अशी की, यावर्षी नांदगाव तालुक्यात तीव्र दुष्काळी परिस्थिती असल्याने साकोरा परीसरात गेल्या तीन महिन्यांपासून अज्ञात चोरट्यांनी चांगलाच थैमान घातला आहे.मंगळवार रोजी साकोरा येथील सुरसे परिवाराचे अंदरसुल ता.येवला येथील नातेवाईक दत्तू सुखदेव मेहतर यांनी स्वखर्चाने प्रत्येकी एक-एक किलोच्या तीन पितळी समया घेवून साकोरा येथील कपिलेश्वर महादेव मंदिर,मारुती मंदिर तसेच सावता महाराज मंदिर आदि ठिकाणी भेट दिल्या मात्र पहिल्याच रात्री अज्ञात चोरट्यांनी मारूती मंदिरातील समयी चोरून नेली.गेल्या वर्षी देखील शिवमळा येथील रस्त्याखालील मोरीत पाच ते सहा विजपंप सापडले होते( संशयीत सापडले होते) मात्र त्यांचेवर कारवाई न झाल्याने त्यांची मजल आता मोठी चोरी करण्याकडे गेल्याचे बोलले जात आहे. यावर्षी देखील शिवमळा तसेच थळ शेतशिवारात संदिप सुरसे यांच्या कापसाने भरलेल्या चार गोण्या,शंकर मोरे यांच्या शेतातून १० पत्रे,लोखंडी ५ ॶॅंगल, रमेश आण्णा बोरसे,भिला बोरसे,देवचंद सुरसे,राहूल पांगुळ , रविंद्र शिंदे आदि शेतकऱ्यांचे विजपंप,डिझेल पंप, शेतीचे औजारे,विजपंपाचे साहित्य चोरीला गेल्याने काही शेतकऱ्यांनी नांदगाव पोलिसांत तक्रार दाखल केली आहे.मात्र बुधवारी सकाळी नांदगाव रस्त्यावरील म्हसोबा मंदिराच्या
मोरी खाली चार कापसाच्या भरलेल्या गोण्या तसेच शेती औजारे सापडल्याने चांगलीच गर्दी जमली होती.याबाबत पोलिस पाटील यांनी याबाबत नांदगाव पोलिसांत माहीती दिली.याबाबत पोलिसांनी या भुरट्या चोरट्यांचा शोध लावून त्यांचेवर कडक कारवाई करावी अशी मागणी नागरिकांनी केली आहे.