के आर स्कूल अँड ज्युनिअर कॉलेजमध्ये क्रांतिवीर वसंतराव नाईक यांची पुण्यतिथी साजरी करण्यात आली. कार्यक्रमाचे आयोजन इयत्ता सातवीच्या विद्यार्थ्यांनी केले होते. कार्यक्रमाच्या अध्यक्षस्थानी शाळेचे प्राचार्य मुकेश मिसर. मुख्याध्यापक दीपक व्यवहारे. उपप्राचार्य वैभव कुलकर्णी. विश्वस्त धनंजय निंभोरकर . यांच्या हस्ते वसंतराव नाईक यांच्या प्रतिमेचे पूजन करण्यात आले. इयत्ता सातवी चा लोकेश बिलाडे. कबीर बोरसे या विद्यार्थ्यांनी वसंतराव नाईक यांच्या बद्दल आपले विचार मांडले. भारतीय स्वातंत्र्यलढ्यात नाशिक जिल्ह्यातील सोनेरी पान म्हणून ज्यांचा उल्लेख करता येईल असे नाव म्हणजे क्रांतिवीर वसंतराव नाईक वडिलांच्या सावकारीच्या कर्जवह्या फाडून स्वातंत्र्यलढ्यात सहभागी होत देशासाठी आजन्म अविवाहित राहत देशसेवेला वाहून घेणाऱ्या या थोर क्रांतिवीराला शतशः अभिवादन. या विद्यार्थ्यांना प्रवीण आहेर यांचे अनमोल असे मार्गदर्शन लाभले.
