बघा व्हिडिओ – मनमाड गुप्तसर साहेब गुरुद्वारामध्ये सालाना जोडमेला अभूतपूर्व उत्साहात साजरा

मनमाड : योगेश म्हस्के श्री गुरू गोविंदसिंगजी महाराज यांच्या पवित्र प

दस्पर्शाने पावन झालेल्या गुप्तसर साहेब गुरुद्वारा मनमाड मध्ये गुरू गोविंदसिंगजी महाराज यांच्या प्रकाश पूरब निमित्ताने सालाना जोडमेला मोठ्या उत्साहात संपन्न झाला.

यंदाच्या वर्षीच्या श्री गुरू गोविंदसिंगजी महाराज यांच्या 357 व्या पावन प्रकाश पूरब निमित्ताने दिनांक 15 , 16 आणि 17 डिसेंबर रोजी गुरुद्वारामध्ये सालाना जोडमेलाचे आयोजन करण्यात आले होते.याप्रसंगी भजन,कीर्तन,लंगर आदी धार्मिक कार्यक्रम साजरे करण्यात आले , तीन दिवस कथा आणि किर्तन सादर करण्यात आले. सालाना जोडमेला निमित्ताने गुरुद्वाराला आकर्षक अशी विद्युत रोषणाई करण्यात आली असुन या उत्सवामध्ये अनेक राज्यातील शीख बांधव , मान्यवर आणि कलाकार सहभागी झाले होते.

गुरुद्वारा पासुन संपुर्ण मनमाड शहरामध्ये सालाना जोडमेला निमित्ताने भव्य स्वरूपात नगर किर्तनाचे आयोजन करण्यात आले, यामध्ये तलवारीबाजी आणि यासारखे साहसी खेळ खेळणारे पथक , पंजाबी बँड , ढोल-ताशा , नगारा , हलकी आदी पथकांसह पवित्र पंचप्यारे आकर्षक सजावट केलेला रथ सहभागी झाले होते.

याप्रसंगी देशातील अनेक भागातुन शीख बांधव आणि शहरातील सर्व धर्मिय नागरिक आणि भाविक या उत्सवात सहभागी झाले होते.