मनमाड : योगेश म्हस्के शहरातील श्री दत्त मंदिर आणि श्री स्वामी समर्थ सेवा केंद्र येथे श्री दत्त जयंती सप्ताह सोहळ्यास प्रारंभ होऊन त्यानिमित्ताने विविध धार्मिक कार्यक्रमांचे आयोजन करण्यात आले आहे.
श्री दत्त मंदिर येथे दिनांक 20 डिसेंबर ते 27 डिसेंबर पर्यंत सोहळ्याचे आयोजन करण्यात आले असुन, या मध्ये सकाळी 6 ते 8 अभिषेक आणि महाआरती , 8 ते 12 श्री गुरुचरित्र पारायण ,1 ते 2 भजन , 3 ते 6 श्री हभप भागवतचार्य ऋषिकेश महाराज कुयटे (धानोरे) यांची संगीतमय गुरुचरित्र कथा , 6 ते 7 हरिपाठ आदी धार्मिक कार्यक्रमांचे आयोजन करण्यात आले आहे.
दिंडोरी प्रणित श्री स्वामी समर्थ सेवा केंद्रामध्ये देखील यंदाच्या वर्षी भव्य स्वरूपात श्री दत्त जयंती उत्सव साजरा करण्यात आले आहे. दिनांक 20 डिसेंबर ते 27 डिसेंबर पर्यंत उत्सवाचे आयोजन करण्यात आले असुन यामध्ये श्री गुरुचरित्र , श्री नवनाथ पारायण , विणा वादन , स्वामीचरित्र ग्रंथ वाचन , श्री स्वामी समर्थ जपमाळ-अखंड प्रहारे , होम-हवन आदी धर्मिक कार्यक्रमांचे आयोजन करण्यात आले आहे.
सात दिवस सुरू असणाऱ्या श्री दत्त जयंती सोहळ्यामध्ये शहरातील जास्ती-जास्त भक्त परिवार आणि नागरिकांना सहभागी व्हावे असे आव्हान आयोजकांच्या वतीने करण्यात आलेले आहे.
