टँकर चालकांनी काल मध्यरात्री पासून अचानक संप पुकारल्याने पेट्रोल वाहतूक पुन्हा ठप्प होऊन पंप कोरडे होणार आहे. पानेवाडी प्रकल्प येथे टँकर चालक आले नसल्याने शहरात होणारा पेट्रोल डिझेलचा पुरवठा खंडित होणार आहे. मनमाड येथे असलेल्या भारत पेट्रोलियम, इंडियन ऑईल, हिंदुस्तान पेट्रोलियम चा पुरवठा करणाऱ्या टँकर चालकांनी अचानक रिपोर्ट न केल्याने वाहन धारकांची तारांबळ होणार आहे.
हिट अँड रन कायद्याच्या विरोधात टँकर चालकांनी काही दिवसांपूर्वीच आंदोलन छेडून या कायद्याला विरोध दर्शविला होता, त्या वेळेस जिल्हाधिकारी जलज शर्मा यांनी यशस्वी मध्यस्थी करत आंदोलकांची समजूत घालत संप मिटविला होता.
