नांदगाव मतदार संघाचे आमदार सुहास अण्णा कांदे यांची ऑल इंडिया एससी एसटी रेल्वे एम्प्लाईज असोसिएशन मनमाड न कारखान्याच्या शिष्टमंडळाने सतिश केदारे यांच्या नेतृत्वाखाली भेट घेऊन पुणे इंदूर महामार्ग वरील मनमाड येथील नादुरुस्त रेल्वे ओव्हर ब्रीज शेजारी जयश्री थिएटर ते संत झेवियर चर्च पर्यंत एक नवीन फ्लाय ओव्हर ब्रीज बनविण्यात यावा या मागणीचे निवेदन देण्यात आले.
रेल्वे ओव्हर ब्रीज कोसळल्याने मनमाड शहर दोन विभागात विभागले गेले आहे. २८ युनिट, रमाबाई नगर, भारत नगर, आनंद वाडी, श्रीवस्ती नगर, शांती नगर, कैंप विभाग महानंदा नगर या भागातील नागरिकांना अति अवश्यक वैद्यकीय उपचारासाठी, बाजारात, व इतर जिवनाश्यक गोष्टी साठी बाजारात येतांना बरीच कसरत करावी लागत असून आर्थिक भुर्दंड सोसावा लागत आहे.
येवला – शिर्डी-पुणे येथे बसने अथवा चार चाकी वाहनाने जाणाऱ्या प्रवाशांना बराच त्रास सहन करावा लागत आहे,
येवला-कोपरगाव-शिर्डी येथे प्रवाशी वाहतूक करणाऱ्या टॅक्सी चालकांचाही उदरनिर्वाह प्रश्न निर्माण झाला आहे अशीच अवस्था रिक्षा चालकांची
आहे.
भविष्यात रेल्वे ओव्हर ब्रीज संदर्भात आज सारखी अवस्था निर्माण झाली तर मनमाड करतांना मनस्ताप सहन करावा लागेल. जयश्री थिएटर ते संत झेवियर चर्चा पर्यंत एक नवीन फ्लाय ओव्हर ब्रीज बनविण्यात यावा, असे या निवेदनात म्हटले आहे. एससी/एसटी असोचे अध्यक्ष सतीश केदारे आणि सचिव प्रवीण आहिरे यांचे सह शिष्टमंडळात कारखाना शाखाचे अतिरिक्त सचिव सागर गरुड, राकेश ताठे, बहुजन युवक संघाचे अध्यक्ष रोहित भोसले आदिचा समावेश होता.
