विद्यार्थ्यांनी केला रामनामाचा जागर
भाटगाव हायस्कूलमध्ये बोरांतून साकारले श्रीराम
चांदवड:रामायणातील शबरीमातेची गोष्ट सर्वश्रुत आहे. बोरांपासून श्रीरामाची प्रतिमा तयार करण्याची संकल्पना कलाशिक्षक देव हिरे यांना सुचली. अयोध्या येथे प्रभू श्रीराम मंदिर प्राणप्रतिष्ठा सोहळ्याचे औचित्य साधून देव हिरे व विद्यार्थ्यांनी ८ बाय ८ फूट आकारात ही कलाकृती साकारली आहे. या प्रयोगासाठी
शाळेतील सर्व विद्यार्थ्यांना बोरं आणण्याचे आवाहन मुख्याध्यापक विजय सानप व पर्यवेक्षक भीमराव बोढारे यांनी केले. अनेक विद्यार्थ्यांनी बोरं जमा केली. विद्यार्थ्यांचा उत्साह बघून ‘कलाशिक्षक देव हिरे यांनी त्यांनाही या उपक्रमात सहभागी करून घेत प्रेरित केले. तीन क्रेट बोरांच्या रंगाप्रमाणे तब्बल १६ तास कला अन् भक्तीचा संगमच ही कलाकृती ठ रली. यासाठी तीन क्रेट बोरांचा वापर करण्यात आला. कलाकृती पूर्ण झाली तेव्हा बोरांचा अन् श्रीराम भक्तीचा दरवळच भाटगाव परिसरात पसरला होता. नावीन्यपूर्ण कलाकृती बघण्यासाठी विद्यार्थी व पालकांनी गर्दी करीत आहे.
