ज्येष्ठ नागरीक संघाचा १८ वा वर्धापन दिन उत्साहात साजरा

गुरुवार दि.१८ जानेवारी २०२४ रोजी जेष्ठ नागरिक संघाचा १८ वा वर्धापन दिन तालुक्याचे आमदार सुहास अण्णा कांदे यांच्या प्रमुख उपस्थितीत संपन्न झाला.
या कार्यक्रमात ७५ वर्ष पूर्ण झालेल्या सभासदांचा सत्कार आमदार कांदे यांच्या हस्ते करण्यात आला. जानेवारी महिन्यात वाढदिवस असलेल्या सभासदांच्या नावाचे वाचन चंद्रकांत येवला यांनी केले. याप्रसंगी व्यापारी महासंघ अध्यक्ष राजेंद्र पारिक तसेच पत्रकार नरेश गुजराथी यांनी आपले मनोगत व्यक्त केले. संघाचे अहवाल वाचन अध्यक्ष डॉ.प्रताप गुजराथी यांनी केले. सूत्रसंचालन सचिव भगिनाथ सोनार यांनी तर आभार प्रदर्शन चंद्रकांत येवला यांनी केले. या कार्यक्रमाला उपाध्यक्ष पवार काका, दिलीप आव्हाड,हिरामण कुसमाडे, सल्लागार सोमनाथ चींचोरे,कोषाध्यक्ष बाल चौरसिया,महीला प्रतिनिधी अलका ताई शिंदे, पदमाताई बम यासह ज्येष्ठ सदस्य व महिला सदस्य उपस्थित होते.