उमराणे:- श्री गणेश शिक्षण प्रसारक मंडळ, उमराणे संचलित, मा. तात्यासाहेब तथा विश्वासराव देवरे कला, वाणिज्य व विज्ञान महाविद्यालय उमराणे व सावित्रीबाई फुले पुणे विद्यापीठ, पुणे यांच्या संयुक्त विद्यमाने महाविद्यालयाचा राष्ट्रीय सेवा योजना विशेष हिवाळी श्रमसंस्कार शिबिर उद्घाटन कार्यक्रम सांगावी येथे संपन्न झाला. कार्यक्रमाचे उद्घाटन मा. प्रशांत (चंदू दादा) देवरे यांचे हस्ते करण्यात आले. याप्रसंगी त्यांनी उद्याच्या विकसित भारताच्या जडणघडणीत तरुण विद्यार्थी वर्गाची मोलाची भूमिका आहे. त्याकरिता विद्यार्थी वर्गाने शिक्षणाबरोबर वेगवेगळे कौशल्य आत्मसात केली पाहिजेत असे प्रतिपादन केले. कार्यक्रमाचे अध्यक्ष श्री रविंद्र आहिरे यांनी अध्यक्षीय भाषणात सांगितले की,या श्रमसंस्कार शिबिरातून आपणास सामाजिक बांधिलकी, नेतृत्व गुण, स्वावलंबन या बाबीची जाणीव होते. कार्यक्रमाचे प्रास्ताविक डॉ.खैरनार के.के. यांनी केले. सूत्रसंचालन प्रा. कु. गवळी ए.के. व आभार प्रदर्शन कार्यक्रम समन्वयक डॉ.अहिरे एस.डी. यांनी केले. यावेळी सांगवी गावातील ग्रामस्थ, महाविद्यालयातील प्राध्यापक आणि राष्ट्रीय सेवा योजना विद्यार्थी व विद्यार्थिनी उपस्थित होते.
महाराष्ट्र राज्याचे शालेय शिक्षण मंत्री नामदार दादाजी भुसे व नांदगाव विधानसभा मतदारसंघाचे आमदार सुहास अण्णा कांदे यांचा भव्य नागरी सत्कार नाशिक स्वामीनारायण बँक्वेट हॉल येथे संपन्न झाला.
याप्रसंगी मंचावर नाशिक जिल्ह्यातील शिवसेनेचे नेते पदाधिकारी शिवसैनिक उपस्थित होते. नागरी सत्कार...
