आपल्या सर्वांच्या आशीर्वादामुळेच मी हे सर्व काही करू शकलो असेच आशीर्वाद कायम राहू द्या मी आपणास शब्द देतो की भविष्यात मनमाड शहरात भव्य दिव्य भीमसृष्टी उभारणार असे वचन आमदार सुहास आण्णा कांदे यांनी मनमाड शहरात डॉक्टर बाबासाहेब आंबेडकर यांच्या पूर्णाकृती पुतळ्याच्या लोकार्पण सोहळ्यात दिले.
चाळीस वर्षानंतर मनमाड करांचे स्वप्न पूर्ण करू शकलो आणि ही जबाबदारी माझ्या नशिबात आली ही सर्व आपल्या आशीर्वादामुळेच शक्य झाले असे मनोगत आज मनमाड येथील लोकार्पण सोहळा प्रसंगी आमदार सुहास अण्णा कांदे यांनी व्यक्त केले.
भारतरत्न डॉक्टर बाबासाहेब आंबेडकर स्मारकाचे लोकार्पण आज मोठ्या उत्साहात हजारोंच्या संकेत नागरिकांच्या उपस्थितीत संपन्न झाले.
या लोकार्पण सोहळा पूज्य भदंत डॉक्टर राहुल बोधीजी उपस्थित होते व त्यांच्या हस्ते विधिवत पूजन करण्यात आले. यावेळी पूजेस आमदार सुहास अण्णा कांदे व सौ अंजूम ताई कांदे बसल्या होत्या.
आज माता रमाई जयंती निमित्त मनमाड शहरातील विविध भागातून मिरवणूक काढून लोकार्पण सोहळा ठिकाणी या मिरवणुकीची समाप्ती झाली. यानंतर सर्वपक्षीय सर्व समाजातील पदाधिकारी व प्रतिष्ठित नागरिक तसेच हजारोंच्या संख्येने उपस्थित असलेले भीम व आंबेडकर अनुयायी यांच्या उपस्थितीत लोकार्पण सोहळा संपन्न झाला.
मनमाडकर समाज बांधवांकडून आमदार सुहास अण्णा कांदे यांचा नागरी सत्कार करून त्यांना सन्मानचिन्ह व सन्मानपत्र देण्यात आले.
लोकार्पण सोहळा सुरू असताना आकाशातून हेलिकॉप्टर द्वारे पुष्पृष्टी करण्यात आली, दोन हेलिकॉप्टर ने आकाशात सात वेळा घिरट्या मारत स्मारकावर पुष्पवृष्टी केली.
लोकार्पण सोहळ्यानिमित्त कमालीचा उत्साह आनंद जल्लोष समाज बांधवांमध्ये पाहण्यास मिळाला.
मनमाड शहरातील आंबेडकर पुतळ्यास विशेष महत्त्व आहे बोधिसत्व डॉक्टर बाबासाहेब आंबेडकर यांना दीक्षा देणारे भदंत यांनीच मनमाड शहरातील पुतळ्याचे उद्घाटन केले होते या दृष्टिकोनातून या पुतळ्यास विशेष महत्त्व प्राप्त होते, चाळीस वर्षांपासून मनमाड शहरातील समाज बांधवांची पूर्णाकृती पुतळा असावा अशी मागणी शासनाकडे होती पण ती प्रलंबित होती, आमदार सुहास अण्णा कांदे यांनी मनमाड शहरातील सर्व महापुरुषांची पुतळे व स्मारके नव्याने उभारणार असा शब्द निवडणुकीत दिला होता.
चाळीस वर्षांच्या पूर्णाकृती पुतळा ची मागणी आज पूर्ण होत असल्याने समाजबांधवांसाठी हा सुवर्णक्षण आहे आणि म्हणूनच आमदार सुहास अण्णा कांदे यांच्या वतीने लोकार्पण सोहळ्याचे आमंत्रण पत्रिका मिठाई तसेच एका सणाप्रमाणे साजरा करावयास लागणाऱ्या वस्तू एका लोकार्पण सोहळा निमित्त सप्रेम भेट लिहिलेल्या बॅग मधून मतदार संघातील समाज बांधवांच्या घराघरात जाऊन कार्यकर्त्यांच्या माध्यमातून आमंत्रण देण्यात आले होते.
मनमाड शहरातील साहित्यरत्न अण्णाभाऊ साठे स्मारकाचे भव्य दिव्य असे लोकार्पण काही दिवसापूर्वी झाले असून आज डॉक्टर बाबासाहेब आंबेडकर स्मारकाचे लोकार्पण अतिशय भव्य आणि दिव्य स्वरूपात मनमाड करांना पाहायला मिळाले.
आज झालेला लोकार्पण सोहळा यासारखा आनंदाचा क्षण आणि सुवर्ण अक्षरात लिहून ठेवावा असा क्षण अण्णांनी त्याच तुलनेने साजरा केल्याची भावना व्यक्त करत समाज बांधवांनी अण्णांना धन्यवाद देत व आभार मानले.
याप्रसंगी मनमाड शहरातील सर्व समाज बांधव प्रतिष्ठित नागरिक, शिवसेना, भाजपा,आरपीआय, पीआरपी तसेच विविध पक्षांचे पदाधिकारी, नांदगाव विधानसभा मतदारसंघातील गावागावातील भीम अनुयायी आंबेडकर अनुयायी हजारोंच्या संख्येने उपस्थित होते.
