दरेगाव येथील जि.प.प्राथमिक शाळेत शिवजयंती उत्साहात संपन्न.

दरेगाव (प्रतिनिधी) – येथील जिल्हा परिषद प्राथमिक शाळेत शिवजयंती मोठ्या उत्साहात संपन्न झाली.विद्यार्थ्यांनी सादर केलेली शिवस्फूर्ती गीते,नृत्ये,भाषणे, शिक्षक आणि मान्यवरांच्या मार्गदर्शकपर विचारांनी शिवजन्मोत्सव उत्सवास
वेगळीच रंगत प्राप्त झाली होती.सर्वप्रथम मान्यवरांच्या हस्ते प्रतिमापुजन व शिवस्फूर्ती गीत सादर करण्यात आले.
शिवजयंती उत्सव समिती प्रमुख श्रीमती वाल्याबाई बोरसे या कार्यक्रमाच्या अध्यक्षस्थानी होत्या,तर पोलिस पाटील श्री.समाधानभाऊ गांगुर्डे ,शालेय व्यवस्थापन समितीचे सदस्य श्री.सुकदेव पगार,श्रीमती शोभना बिरारी,श्रीमती सरला आहेर,शालेय संसद प्रमुख कु.प्रणाली शेळके इ.मान्यवर याप्रसंगी मंचावर उपस्थित होते.यावेळी विद्यार्थ्यांचा उत्साह वाढावा म्हणून काहि पालकांनी रोख बक्षिसेही विद्यार्थ्यांना दिली.
श्री.साहेबराव देवरे ,श्री.बाळासाहेब सावंत,श्री.रमेश राऊत ,श्री.दीपककुमार निकम व श्रीमती वैशाली पवार यांनी कार्यक्रमाचे संयोजन केले.
मुख्याध्यापक श्री.जनार्दन देवरे यांनी कार्यक्रमाचे प्रास्ताविक केले तर महेश पगार ,कार्तिक जाधव यांनी सूत्रसंचलन केले.अतुल देवरे याने उपस्थित मान्यवरांचे आभार मानले.पालक व विद्यार्थी या कार्यक्रमास मोठ्या संख्येने उपस्थित होते.