मनमाड : शहरातील तरुण-तरुणींना परिसरातीलच नव्हे तर राज्यभरातील डोंगर, सुळके, कडे, सर करण्याचा छंद जडला आहे. काही काळापासून तरुणाईला गिर्यारोहणाची भुरळ पडली आहे.
कबड्डीची पंढरी समजल्या जाणाऱ्या मनमाड शहरात कबड्डी, पाठोपाठ शरीर सौष्ठव, वेटलिफ्टिंग, क्रिकेट, सायकलिंग, आदि खेळांकडे तरुणाई आकर्षित होत होती; पण आता गिर्यारोहण या साहसी खेळात मनमाडचे तरुण सहभागी होताना दिसतायेत, तरुणच नव्हे तरुणीना देखील साहसी खेळाचे वेड लागले आहे.
शहरातील नावाजलेले कबड्डीपटू स्व. अशोक गायकवाड यांची कन्या प्रेरणा हिने पुणे जिल्ह्यातील जुन्नर जवळील जीवधन किल्ला ते वानरलिंगी सुळका व्हॅली क्रॉसिंग आणि रॅपलींग या साहसी क्रिया पॉइंट आडवेंचर यांच्या माध्यमातन केले.
राज्यभरातील गिर्यारोहकांच्या आकर्षणाचा केंद्रबिंदू असलेली ही मोहीम मनमाड च्या कन्येने जिद्दीने पूर्ण करत शहराचा नावलौकिक वाढविला. शहरात या साहसी क्रीडा प्रकाराबद्दल कोणतेही अधिकृत प्रशिक्षणाची सोय नसताना देखील तिने यश संपादन केले आहे.
शहरातील तरुणाई परिसरातील अनेक डोंगर माथ्यांवर
गिर्यारोहण मोहिमेदरम्यान हे तरुण कचरा, प्लास् टिक, आदी गोळा करून पर्यावरण रक्षण व स्वच्छता मोहीम राबवतात.
जुन्नर तालुक्यातील या मोहिमेत प्रेरणासोबत, प्रतीक संजय दराडे, प्रमिल शेंडगे, रमेश पटेल, रोशन खिवां सरा भारत खिंवसरा यांनी सहभाग घेतला.
