बोलठाण येथील उर्दू शाळेला आमदार कांदे यांच्या माध्यमातून वीज रोहीत्र

तालुक्याच्या घाटमाथ्यावरील बोलठाण येथील उर्दू शाळेच्या विदयार्थ्यांच्या शिक्षणाची वीज पुरवठ्याअभावी हेळसांड होत असल्याची बाब समजताच ; आमदार सुहास कांदे यांनी तीन लाख ८० हजार रुपये किंमतीचे वीज रोहित्र स्वखर्चातून बसवून दिल्याने शिक्षणप्रेमी नागरिकांनी समाधान व्यक्त केले.
बोलठाण येथील या उर्दू शाळेला वीज पुरवठ्याची सोय नसल्याने संगणक शिक्षणासह,इतर सुविधा व तांत्रिक शिक्षणापासून हे विद्यार्थी वंचित राहत असल्याची बाब येथील शिवसेनेचे पदाधिकारी अनिल रिंढे व रफिक पठाण यांनी आमदार श्री.कांदे यांच्या कानावर घालताच श्री.कांदे यांनी स्वखर्चातून सिंगल फेज वीज रोहित्र उपलब्ध करून आज या शाळा व्यवस्थापन समितीच्या स्वाधीन केले.
यावेळी माजी सभापती विलासराव आहेर,तेज कवडे, बाजार समितीचे सभापती अर्जुन पाटील,फरहान खान, मजूर संघाचे संचालक प्रमोद भाबड,प्रकाश शिंदे, राजेंद्र देशमुख,बाळासाहेब आव्हाड,मुक्ती अब्दुल हाफिज,सादिक सय्यद,उबेद सय्यद,जुनैद शा.,उजेब शेख,शेख सलीम, अमजद सय्यद, उपस्थित होते.