नांदगाव: मारूती जगधने नांदगांव नजिक गंगाधरी येथे विहीरीत पडलेल्या उदमांजराला पशुप्रेमीनी/ सर्पमिञ प्रभाकर निकुंभ यांनी जीवदान दिले.
तालुक्यातील नांदगाव शहरालगत मौजे गंगाधरी येथील शेतकरी मोहन विठ्ठल इघे..यांचे गट क्रमांक 65/2 यांच्या शेतातील विहिरीमध्ये उद मांजर पडले होते. दिनांक 3 रोजी विहिरीत पडलेल्या उदमांजरास सुरक्षित रेस्क्यू केले असून नांदगाव वनपरिक्षेत्र अधिकारी सागर ढोले यांच्या मार्गदर्शनाखाली आणि वन्यजीव संरक्षण संस्था नांदगाव तालुका अध्यक्ष वन्यजीव रक्षक तथा सर्पमित्र प्रभाकर निकुंभ विभागाचे अधिकारी सुनील महाले, वनरक्षक अमोल पवार ,संजय बेडवाल , पाटील. तसेच शेतकरी ज्ञानेश्वर अण्णा इघे,भरत मोहन इघे, संयोग रमेश साळुंखे,राजू सोनज इत्यादी शेतकऱ्यांनी या प्रसंगी मदत केली, उद मांजरास जीवदान देण्यात यश आले आहे.. एक वन्य जीव वाचवल्याबद्दल परिसरात सर्वत्र चर्चा आहे.
दरम्यान या प्रसंगी सर्पमिञ निकुंभ यांनी जीव धोक्यात घालुन दोर शिडीच्या मदतीने ७० फुट खोल विहिरीत उतरूण उदमांजराला पकडून जीवदान देत अधिवासत सोडले .
सध्या नांदगांव शहरात खांदेशीवाडा,नांवंदर दवाखाना,के मार्ट आदी ठिकाणी उदमांजर आढळतात त्यामुळे मुले व महिला उदमांजराच्या दहशतीत वावरतात.
