कवी रवींद्रनाथ टागोर हायस्कूल आणि ज्युनिअर कॉलेजमध्ये नुकतीच परिवहन समितीची सभा आयोजित करण्यात आली होती. यात शाळेच्या विद्यार्थ्यांची वाहतूक करणाऱ्या सर्व वाहनधारकांना बोलवण्यात आले होते. सर्व वाहनधारकांना प्राचार्य मुकेश मिसर यांनी प्रत्येक विद्यार्थ्यांची वाहतूक सुरक्षित रित्या करावी, विशेषत: आपल्या वाहनात असणाऱ्या विद्यार्थिनींची अधिक दक्षता घ्यावी. आपल्या वाहनातील प्रत्येक विद्यार्थ्यास शाळेच्या आवारात सोडणे व शाळा सुटल्यानंतर शाळेच्या आवारातूनच घेऊन जाणे याचे पालन करावे. तसेच मोटर वाहन कायद्यात उपलब्ध तरतुदीप्रमाणे आपल्या वाहनासंदर्भात कागदपत्रे अद्यावत ठेवणे वेळोवेळी वाहनांची तपासणी संबंधित विभागाकडून या बाबी काटेकोरपणे पाळाव्यात अशा सूचना केल्या.
परिवहन समितीच्या या सभेत उपस्थित वाहनधारकानी देखील विद्यार्थ्यांच्या सुरक्षिततेच्या हिताने विविध सूचना केल्या. परिवहन समितीच्या सभेचे आयोजनास प्राथमिकचे मुख्याध्यापक श्री. दिपक व्यवहारे, संस्थेचे जनरल सेक्रेटरी श्री. वैभव कुलकर्णी, श्री धनंजय निंभोरकर यांच्यासह शाळेतील शिक्षक-शिक्षकेतर कर्मचारी यांचे सहकार्य लाभले.
