मनमाड : येथील महात्मा गांधी विद्यामंदिर संचलित कला, विज्ञान व वाणिज्य महाविद्यालय मनमाड येथे ग्रंथालय व IQAC विभाग यांच्या संयुक्त विद्यमाने “शांतता… पुणेकर वाचत आहेत” या उपक्रमाचे आयोजन करण्यात आले. वाचन आणि शैक्षणिक संस्कृतीला बळकटी करण्यासोबत जगात पुण्याची नवी ओळख निर्माण करण्याच्या उद्देशाने राष्ट्रीय पुस्तक न्यासाच्या वतीने पुणे येथील फर्ग्युसन महाविद्यालयाच्या प्रांगणात दिनांक १४ डिसेंबर ते 22 डिसेंबर या दरम्यान पुणे पुस्तक महोत्सवाचे आयोजन करण्यात आले आहे. या महोत्सवासाठी जनजागृती म्हणून आजचा हा उपक्रम राबविण्यात आला आहे असे ग्रंथालय विभाग प्रमुख डॉ आर एस लोखंडे, यांनी विशद केले. या उपक्रमात दिलेल्या वेळेत ज्या ठिकाणी असाल त्या ठिकाणी उपलब्ध असलेले किंवा आपल्या आवडीचे पुस्तक वाचतानाचे छायाचित्र क्यूआर कोड च्या माध्यमातून अपलोड करून सहभागी होण्याचे आवाहन करण्यात आले होते. महाविद्यालयाचे प्राचार्य डॉ. सुभाष निकम यांनी या उपक्रमा संदर्भात मार्गदर्शन केले. याप्रसंगी वरिष्ठ महाविद्यालयाचे उपप्राचार्य डॉ. बी. एस. देसले, शैक्षणिक पर्यवेक्षक प्रा. देविदास सोनवणे, प्रा. डॉ. पी जी आंबेकर, महाविद्यालयाचे कुलसचिव श्री समाधान केदारे, महाविद्यालयातील प्राध्यापक, प्रशासकीय कर्मचारी व विद्यार्थी मोठ्या संख्येने उपस्थित होते.
