पीएम श्री केंद्रीय विद्यालय मध्य रेल्वे मनमाड येथे रोटरी क्लब मनमाड व मनमाड शहरातील नामांकित डॉक्टर श्री. डॉ. धीरज बरदिया , डॉ. अनिल सोनार , डॉ. श्री. सुरेंद्र गुजराथी , डॉ. भूषण शर्मा यांच्या उपस्थितीत शाळेतील तब्बल ४०० विद्यार्थी आणि शिक्षक तसेच शिक्षकेतर कर्मचारी यांची दिनांक 20 जानेवारी 2025 रोजी आरोग्य तपासणी व दंत तपासणी करण्यात आली . ह्या मध्ये बालवाडी पासून ते दहावी पर्यंत सर्वच विद्यार्थी यांची तपासणी करून त्यांना योग्य ते मार्गदर्शन करण्यात आले .
ह्याच शिबिरात सध्या सुरू असलेल्या ( HMPV ) वायरस पासून बचाव करण्यासाठी काय करावे आणि काय करू नये ह्या संबंधी माहिती देवून जागरूक केले .
शहरातील मुख्य चौकात ( HMPV ) संबंधी माहिती दर्शविणारे डिजिटल फ्लेक्स लावण्यात आले . शाळेच्या दर्शनी भागात पण जन जागृती व्हावी यासाठी पत्रक लावण्यात आले .
ह्या निमित्ताने क्लब चे अध्यक्ष श्री. कौशल शर्मा यांनी आरोग्य तपासणी वेळेवर करणे गरजेचे का आहे याचे महत्त्व सांगितले . तसेच एच एम पी व्ही व्हायरस बद्दल जागरूक राहावे असे आवाहन केले .
ह्या निमित्ताने विद्यालयाचे प्राचार्य श्री अरुण कुमार यांनी रोटरी क्लब ऑफ मनमाड ला आरोग्य तपासणी शिबिर आयोजित केल्याबद्दल धन्यवाद दिले .
ह्याच शिबिरात क्लब च्या वतीने ( HMPV ) व्हायरस चे जन जागृती अभियान सुरू केले . ह्या उपक्रमाबद्दल विद्यालयाचे प्राचार्य श्री. अरुण कुमार यांनी क्लब चे विशेष कौतक केले . कोविड-19 नंतर अश्या प्रकारचे संसर्ग जन्य आजाराचा आपण प्रसार थांबवू शकतो म्हणूनच ह्याची जन जागृती होणे गरजेचे आहे असे मत श्री. अरुण कुमार यांनी व्यक्त केले .
ह्या निमित्ताने रोटरी क्लब चे सेक्रेटरी श्री. डॉ. भूषण शर्मा, डॉ सुरेंद्र गुजराथी, डॉ अनिल सोनार, डॉ धीरज बरडिया , क्लब चे ज्येष्ठ सदस्य श्री. गुरजीत सिंह कांत, श्री अनिलदादा काकडे, श्री स्वप्निल सूर्यवंशी व प्रकल्प अध्यक्ष श्री आनंद काकडे उपस्थित होते .
उपक्रम यशस्वितेसाठी क्लब चे सर्व सदस्य , डॉक्टर्स , विद्यालयाचे प्राचार्य, शिक्षक , शिक्षकेतर कर्मचारी यांचे सहकार्य लाभले .
