*मनमाड* महात्मा गांधी विद्यामंदिर संचलित, कला, विज्ञान व वाणिज्य महाविद्यालय मनमाड येथे प्राचार्य डॉ.अरूण पाटील यांच्या मार्गदर्शनाखाली क्रांतीज्योती सावित्रीबाई फुले व राजमाता जिजाऊ साहेब भोसले यांची जयंती साजरी करण्यात आली. कार्यक्रमाचे अध्यक्ष वरिष्ठ महाविद्यालयाचे उपप्राचार्य डॉ. बी. एस. देसले यांच्या हस्ते राजमाता जिजाऊ भोसले व क्रांतीज्योती सावित्रीबाई फुले यांच्या प्रतिमेचे पूजन करण्यात आले.
प्रमुख वक्ते श्री. विठ्ठल सातपुते यांनी आपले मनोगत व्यक्त करताना सांगितले की, राजमाता जिजाऊनी आपल्या संस्काराच्या माध्यमातून शिवाजी महाराज घडविले आणि शिवाजी महाराजांनी या मराठी भूमीची जडणघडण केली. राजमाता जिजाऊ कडून प्रेरणा घेऊन सावित्रीबाई फुले यांनी आपल्या लेकींना शिक्षणाचा मोठा वारसा दिला. त्या शिक्षणाच्या माध्यमातूनच स्त्रियांनी स्वतः बरोबरच आपल्या कुटुंबाची बौद्धिक व आर्थिक परिस्थिती सुस्थितीत आणण्यासाठी शिक्षणाचा वापर करण्यास सुरुवात केली.
याप्रसंगी वरिष्ठ महाविद्यालयाचे पर्यवेक्षक प्रा. डी. व्ही. सोनवणे, कुलसचिव श्री. समाधान केदारे , महाविद्यालयातील प्राध्यापक, प्रशासकीय कर्मचारी व विद्यार्थी मोठ्या संख्येने उपस्थित होते. या कार्यक्रमाचे सूत्रसंचालन प्रा. पी. व्ही. अहिरे यांनी केले.
