राज्यातील व देशातील सर्व शासकीय कार्यालयांमध्ये अपारंपारिक ऊर्जा स्त्रोतांचा वापर करून विजेचा वापर कमीत कमी व्हावा या उद्देशाने केंद्र व राज्य शासनाने मोठ्या प्रमाणात उपायोजना सुरू केलेले आहे त्याचाच एक भाग म्हणून नांदगाव तालुक्यातील नागापूर ग्रामपंचायतीने पुढाकार घेऊन मुख्यमंत्री समृद्ध पंचायतराज अभियानांतर्गत ग्रामपंचायत कार्यालयावर सौर ऊर्जा युनिट बसवून ग्रामपंचायत कार्यालय सौर उर्जेवर केले आहे.
याच योजने अंतर्गत गावातील सर्व अंगणवाडी केंद्र हे अपारंपारिक ऊर्जा स्रोतवर करण्यात आले असून गावात देखील सौर उर्जेवर चालणारे पथदीप बसविण्यात आलेले आहेत. सदर सौर ऊर्जेमुळे ग्रामपंचायत कार्यालय तसेच गावातील पथदीप हे वीज बिल मुक्त होणार आहेत. या उपक्रमाचे ग्रामस्थांच्या वतीने स्वागत करण्यात आले असून ग्रामपंचायतच्या माध्यमातून असेच प्रकल्प राबविण्याचा मानस लोकनियुक्त सरपंच राजेंद्र पवार व ग्रामपंचायत अधिकारी दिलीप निकम यांनी व्यक्त केला.
