नांदगाव – मनमाड शहर तसेच मतदार संघातील धार्मिक स्थळाच्या सर्वांगीण विकासासाठी केंद्रीय पर्यटन मंत्रालयाकडून निधी उपलब्ध करून देण्याबाबतचे निवेदन आमदार सुहास कांदे यांच्या वतीने युवासेना जिल्हाप्रमुख फरहान खान आणि धनंजय कांदे केंद्रीय पर्यटन आणि संस्कृतीमंत्री गजेंद्रसिंह शेखावत यांना दिले.
आमदार सुहास कांदे यांनी केंद्रीय पर्यटन आणि संस्कृतीमंत्री गजेंद्रसिंह शेखावत यांना नांदगाव विधानसभा मतदारसंघातील शिवसृष्टी, भीमसृष्टी सहित एकशे त्रेचाळीस विविध धार्मिक स्थळाच्या विकासासाठी निधी मिळाल्यास पायाभूत सुविधा उपलब्ध होऊन पर्यटनाला चालना मिळू शकते अशी मागणी केली आहे.
केंद्र सरकारच्या विविध योजनांच्या माध्यमातून केंद्र सरकार पर्यटन सुविधा विकासासाठी राज्यांना, केंद्रशासित प्रदेशांना आर्थिक सहाय्य करत असते. आध्यात्मिक, वारसा संवर्धन मोहीम (प्रशाद) या पर्यटन मंत्रालयाच्या योजनांच्या माध्यमातून आमदार सुहास कांदे यांनी निधी मिळविण्यासाठी पाठपुरावा सुरु केला आहे.
