महात्मा गांधी विद्यामंदिर संचलीत, कला, विज्ञान आणि वाणिज्य महाविद्यालय मनमाड यांच्या राष्ट्रीय सेवा योजनेचे विशेष श्रमसंस्कार शिबिराचे १२५ स्वयंसेवकांकडून निमोण येथे श्रमदान करून संपन्न झाले.
समारोपप्रसंगी प्रमुख पाहुणे म्हणून निमोणच्या सरपंच डॉ.स्वाती देवरे यांची उपस्थिती होती. यावेळी महाविद्यालयाचे प्राचार्य डॉ.अरुण पाटील, उपप्राचार्य प्रा.डॉ.बी.एस.देसले, कुलसचिव समाधान केदारे हे देखील उपस्थित होते.
शिबिराच्या माध्यमातून स्वयंसेवकांनी तीन वनराई बंधारे, गावातील झाडांना गेरू व चुना लावणे, शालेय परिसराची व ग्राम स्वच्छता, ग्रामविकास सर्वेक्षण, शेतकरी सर्वेक्षण, डॉ. स्वराली चोपडा यांचे महिला सबलीकरण व आरोग्य जनजागृती या वरील व्याख्यान, डॉ. विद्या मगर यांचे महिलांचे आरोग्य व आहार यावरील मार्गदर्शन, डॉ.आर एस काळे यांचे पर्यावरण, जैवविविधता आणि अधिवास संवर्धन यावरील व्याख्यान तर डॉ. रोहित शिंदे यांचे सौर ऊर्जा काळाची गरज यावरील व्याख्यान, एचआयव्ही समुपदेशक श्री. निलेश मोरे यांचे मार्गदर्शन, यासारख्या विविध उपक्रमांवर श्रमसंस्कार व जनजागृती करून शिबीर यशस्वी झाले.
यावेळी आलेल्या मान्यवरांनी आपले मनोगत व्यक्त केले त्यामध्ये प्रामुख्याने ‘युवकांमध्ये खरे श्रम संस्काराचे महत्त्व समजावणारी योजना म्हणजे एनएसएस’, ‘देश घडवण्यासाठी वाचन संपन्न, इच्छाशक्ती संपन्न व कार्यसंपन्न युवकांची आज आवश्यकता आहे, यासाठी युवकांनी अशा योजनांमध्ये सहभागी व्हावे’ यावर भर देण्यात आला . ग्रामीण भागाच्या शाश्वत विकासासाठी महत्त्वाचे ठरतात, असे प्रतिपादन मान्यवरांनी केले.या शिबिरासाठी महाविद्यालयाचे प्राचार्य डॉ अरुण पाटील, उपप्राचार्य प्रा. डॉ.बी. एस.देसले तसेच निमोण गावच्या सरपंच डॉ.स्वाती भाऊराव देवरे यांचे मार्गदर्शन लाभले.
शिबिरासाठी कार्यक्रमाधिकारी डॉ पवनसिंग परदेशी, प्रा. सोमनाथ पावडे, डॉ.आरती छाजेड यांनी परिश्रम घेतले. प्रा राजेंद्र बागुल, प्रा अनिल शिरसाट, प्रा सविता पवार, तसेच जि प मराठी शाळा, निमोण यांचेही सहकार्य लाभले.यावेळी महाविद्यालयाचे कुलसचिव समाधान केदारे, पर्यवेक्षक प्रा. डी व्ही सोनवणे, कनिष्ठ विभागाचे उप प्राचार्य प्रा.सुभाष अहिरे सह गावातील सन्माननीय ग्रामपंचायत सदस्य, ग्रामस्थ, कर्मचारी, प्राध्यापक वृंद, प्रशासकीय कर्मचारी यांनी या शिबिरासाठी शुभेच्छा दिल्या. या कार्यक्रमाचे सूत्रसंचालन रूपाली घुगे व योगिनी डुकळे हिने केले.
