नांदगाव प्रतिनिधी : सुमितकुमार जगधने
जामधरी (ता. नांदगाव) येथील भगवान काशिनाथ व्हडगर यांची भारतीय जनता पक्षाच्या नांदगाव मंडल महामंत्रीपदी नियुक्ती करण्यात आली. नांदगाव तालुका मंडळ अध्यक्ष संजय सानप यांच्या सहीचे नियुक्तीपत्र व्हडगर यांना प्रदान करण्यात आले.
यावेळी शहराध्यक्ष रेखा शेलार व तालुका उपाध्यक्ष रमेश निकम उपस्थित होते. पदाधिकारी व कार्यकर्त्यांच्या उपस्थितीत हा नियुक्ती सोहळा पार पडला. या नियुक्तीमुळे नांदगाव तालुक्यातील भाजप संघटनात्मक बांधणीला अधिक बळ मिळेल, असा विश्वास पदाधिकाऱ्यांनी व्यक्त केला.
