छत्रपती शिवाजी महाराज जयंती निमित्त दुग्धाभिषेक सोहळा – नांदगावात उत्साहाचे वातावरण नांदगाव :सुमित कुमार जगधने

महाराष्ट्राचे आराध्य दैवत छत्रपती शिवाजी महाराज यांच्या जयंतीनिमित्त नांदगाव येथे भव्य दुग्धाभिषेक सोहळ्याचे आयोजन करण्यात आले आहे.
बुधवार दिनांक १८ फेब्रुवारी २०२६ रोजी सकाळी ११ वाजता,
स्थळ : शिवसृष्टी, मालेगाव रोड, नांदगाव
या ठिकाणी आमदार सुहास कांदे व सौ. अंजुमताई कांदे यांच्या शुभहस्ते छत्रपती शिवाजी महाराज यांच्या पुतळ्याचा दुग्धाभिषेक करण्यात येणार आला.
शिवजयंतीच्या पार्श्वभूमीवर नांदगावातील शिवसृष्टी परिसरात उत्साहाचे वातावरण निर्माण झाले आहे. हजारोंच्या संख्येने शिवप्रेमी उपस्थित राहणार असून परिसरात शेकडो ठिकाणी भगवे ध्वज फडकविण्यात आले आहेत. संपूर्ण शिवसृष्टी परिसर स्वच्छ करून सजविण्यात आला आहे.
शिवजयंतीच्या पूर्वसंध्येला नागरिकांनी आणि शिवभक्तांनी मोठ्या प्रमाणात गर्दी केली असून सृष्टी पाहण्यासाठी तालुक्यातील नागरिक मोठ्या उत्साहाने भेट देत आहेत.
उद्या छत्रपती शिवाजी महाराज जयंती मोठ्या दिमाखात, भक्तीभावाने आणि जल्लोषात साजरी होणार असून नांदगाव शहरात उत्सवाचे वातावरण पाहायला मिळत आहे.