मनमाड : हिंदी भाषेचे महत्त्व, गोडवा आणि समृद्ध साहित्यपरंपरा विद्यार्थ्यांपर्यंत पोहोचविण्याच्या उद्देशाने प्रकृती स्कूल, मनमाड येथे हिंदी दिवस उत्साहपूर्ण वातावरणात साजरा करण्यात आला.
कार्यक्रमाच्या निमित्ताने विद्यार्थ्यीनी वैष्णवी पवार हिने हिंदी ही केवळ संवादाची भाषा नसून भारतीय संस्कृती, साहित्य आणि भावभावनांना जोडणारी समृद्ध भाषा असल्याचे आपल्या सादरीकरणातून स्पष्ट केले.
यावेळी मुख्याध्यापक, उपमुख्याध्यापक व हिंदी शिक्षकांच्या मार्गदर्शनाखाली विद्यार्थ्यांसाठी विविध शैक्षणिक व मनोरंजक उपक्रमांचे आयोजन करण्यात आले. विद्यार्थ्यांमध्ये हिंदी भाषेविषयी आवड निर्माण व्हावी, भाषिक कौशल्य ,विकसित व्हावे आणि हिंदीचा दैनंदिन जीवनात प्रभावी वापर करता यावा, हा या उपक्रमांचा मुख्य उद्देश होता
शिक्षकांनी हिंदी दिवसाचे महत्त्व सांगताना विद्यार्थ्यांना हिंदी भाषेचा दैनंदिन जीवनात योग्य वापर करण्यास तसेच हिंदी साहित्याचा परिचय करून घेण्यास प्रेरित केले. विविध उपक्रमांमुविद्यार्थ्यांमध्ये भाषिक कौशल्य, आत्मविश्वास आणि सर्जनशीलता विकसित होण्यास मदत झाली.
“हिंदी है हमारी शान, बढ़ाएंगे इसका मान!” या संदेशातून विद्यार्थ्यांनी हिंदी भाषेविषयी प्रेम आणि आदर व्यक्त केला. उत्साहपूर्ण सहभागातून हिंदी दिवसाची सांगता करण्यात आली.
