नागापूर येथे पवित्र पोर्टल मार्फत नवीन नियुक्त झालेल्या शिक्षकांच्या स्वागत समारंभ व नागापूर ग्रामपंचायत अंतर्गत येणाऱ्या जिल्हा परिषद शाळांना शालेय पोषण आहार शिजवण्यासाठी व साठवणूक करण्यासाठी आवश्यक साहित्य वितरणाचा कार्यक्रम संपन्न झाला.
विद्यार्थ्यांची प्रगती म्हणजे गावाची प्रगती गावाच्या शाळेच्या विद्यार्थ्यांच्या प्रगतीसाठी जे आवश्यक आहे ते सर्व शाळेला देण्यासाठी नागापूर ग्रामपंचायत कटिबद्ध असल्याचे प्रतिपादन नागापूर गावचे लोकनियुक्त सरपंच राजेंद्र पवार यांनी केले. विद्यार्थ्यांच्या प्रगतीसाठी ग्रामपंचायतच्या वतीने मोफत सावित्रीबाई फुले अभ्यासिका, मोफत व्यायामशाळा, सुसज्ज ग्रंथालय या योजना राबवल्या जात आहेत. यांचा उपयोग करून अनेक विद्यार्थ्यांनी स्पर्धा परीक्षांमध्ये यश मिळवले आहे. आवश्यकतेनुसार जिल्हा परिषद शाळांना देखील जे जे साहित्य गरजेचे असेल ते ग्रामपंचायत, जिल्हा परिषद, विविध पेट्रोलियम कंपन्या तसेच इतर संस्थांच्या माध्यमातून ते पुरवले जाईल विद्यार्थ्यांच्या गुणवत्ता वाढीसाठी आवश्यक उपक्रम शाळेत राबवले जावेत त्या सर्वांना आमची साथ राहील असे त्यांनी आश्वासन दिले लवकरच गावातील सर्व अंगणवाड्यांच्या विकासासाठी योजना राबविण्यात येणार असल्याचे त्यांनी यावेळी सांगितले.
यावेळी उपसरपंच रवींद्र नगे, ग्रामपंचायत सदस्य प्रकाश मोरे, निलेश पवार, शिवसेनेचे गणेश पवार, शाळा व्यवस्थापन समितीचे अध्यक्ष योगेश आहेर, समाधान बोडके, निवृत्ती पवार, सोपान गायकवाड यांच्यासह इतर मान्यवर उपस्थित होते.
कार्यक्रमाचे सूत्रसंचालन व प्रास्ताविक चंद्रशेखर उदावंत यांनी केले तर आभार उत्तम नगे यांनी मानले यावेळी मनोज पवार, दत्तात्रय जाधव, शिवाजी काजीकर, सीमा पाटील ,योगिता अहिरराव ,शिल्पा पाटील, पांडुरंग कदम, निकिता पायघन,गीता गरुड यांच्यासह अनेक मान्यवर व शिक्षक उपस्थित होते.
