नाशिक आणि जळगाव या दोन जिल्ह्यांसाठी अत्यंत उपयुक्त अशा नार-पार-गिरणा नदीजोड प्रकल्पाला केंद्र सरकारने मंजुरी दिली आहे. मुख्यमंत्री देवेंद्र फडणवीस यांचा ड्रीम प्रोजेक्ट असलेल्या नदीजोड प्रकल्पातील हा केंद्राची मान्यता मिळाली आहे.
कोकण पट्टयातून पश्चिमेकडे समुद्रात वाया जाणारे अतिरिक्त पावसाचे पाणी अडवून ते पूर्व वाहिनी गिरणा नदी खोऱ्यात वळवणे असे प्रकल्पाचे स्वरूप आहे. या प्रकल्पाद्वारे नार आणि पार नद्यांमधील सुमारे १०.७६ टीएमसी पाणी उपलब्ध होणार आहे.
नाशिक जिल्ह्यातील मालेगाव, कळवण, बागलाण (सटाणा), देवळा तर जळगाव जिल्ह्यातील चाळीसगाव, भडगाव, पाचोरा, एरंडोल, अमळनेर आणि धरणगाव या तालुक्यांना मोठा फायदा होणार आहे.
नांदगाव तालुक्याच्या पदरी निराशाच…
नार-पार मध्ये नांदगाव तालुक्याचा समावेश करून नांदगाव तालुक्याला असलेले दुष्काळाचे ग्रहण कायमस्वरूपी पुसण्यात यावे यासाठी राजकीय, शासकीय व प्रशासकीय स्तरावर पुरेसा पाठपुरावा न झाल्यामुळे नार-पार मध्ये नांदगावचा समावेश झाला नाही आणि तालुक्याच्या पदरी पुन्हा निराशाच आली आहे.
