सप्तशृंगीगड ता. कळवण येथील सप्तशृंगीगड – नांदुरी – अभोणा – कनाशी – मानूर – अलियाबाद रामा-२१ कि.मी. ०/०० ते १०/०० मध्ये रस्त्याचे काँक्रिटीकरणाचे काम आहे. काम केंद्रीय मार्ग निधी अंतर्गत मंजूर असून सदर कामाअंतर्गत मौजे सप्तशृंगीगड ते नांदुरी घाट मार्गातील रस्त्याचे काम सा.बा. उपविभाग क्रमांक ४ कळवण अंतर्गत सुरू आहे.
त्या अनुषंगाने उपविभागीय अधिकारी, सा.बा. उपविभाग क्रमांक ४ कळवण, कॅम्प नाशिक यांचे कडील पत्रान्वये सप्तशृंग गड ते नांदुरी रस्त्यावरील घाटमार्गामध्ये काँक्रिटीकरणाचे काम करत असताना वाहतूक वळविणेसाठी पर्यायी मार्ग उपलब्ध नाही. वरील रस्त्यावर वाहतूक सुरू असल्यास काम पूर्ण क्षमतेने तसेच विहित वेळेत पूर्ण करणे शक्य होणार नाही. तसेच आगामी कुंभमेळा २०२७ मध्ये भाविकांची मोठ्या प्रमाणात गर्दी होण्याची शक्यता नाकारता येत नाही.
त्यामुळे सप्तशृंगीगड ते नांदुरी घाटमार्गामध्ये रस्त्याचे काँक्रिटीकरण काम सुरू असल्यामुळे नागरिकांच्या सुरक्षिततेसाठी आपत्ती व्यवस्थापन अधिनियम २००५ चे कलम ३४ नुसार मला असलेल्या अधिकारानुसार नांदुरी ते सप्तशृंगीगड हा रस्ता दि. २९/०९/२०२६, दि. ३०/०९/२०२६ व दि. ०१/१०/२०२६ या वेळेत बंद करण्यात येत आहे.
तसेच पायी जाणाऱ्या भाविकांसाठी नांदुरी ते सप्तशृंगीगड हा पायी मार्ग नियमित सुरू असून मंदिर हे नियमित खुले राहील. तसेच अत्यावश्यक सेवा, ॲम्ब्युलन्स, स्कूल बस यांना सूट देण्यात येत आहे.
