मालमत्ता खरेदी विक्रीतील फसवणूक टाळण्यासाठी राज्यात 1 ऑक्टोबर पासून कोणत्याही दस्त नोंदणीसाठी आता आधार ओळखपत्र महसूल विभागाने अनिवार्य करण्यात आले. विना आधार कार्ड तर आता दस्तनोंदणी होणारच नाही, असे महसूलमंत्री चंद्रशेखर बावनकुळे यांनी स्पष्ट केले.
यासंदर्भात शासनाचे राजपत्र प्रसिद्ध करण्यात आले असून 1 ऑक्टोबरपासून याची अंमलबजावणी करण्यात येणार आहे. “महसूल विभागांतर्गत काम करणाऱ्या नोंदणी व मुद्रांक विभागातर्फे स्थावर मालमत्तांच्या दस्तनोंदणीची प्रक्रिया पार पाडली जाते. खोटे साक्षीदार, खोटे पक्षकार उभे करून होणारी फसवणूक आता हद्दपार होईल.” असे मत देखील बावनकुळे यांनी व्यक्त केले.
