माध्यमिक व उच्च माध्यमिक विद्यालय वाघदर्डी येथे डॉ.एपीजे अब्दुल कलाम यांची जयंती व वाचन प्रेरणा दिन उत्साहात साजरा

माध्यमिक विद्यालय वागदर्डी येथे भारताचे माजी राष्ट्रपती, थोर शास्त्रज्ञ, मिसाईल मॅन डॉ. एपीजे अब्दुल कलाम यांच्या जयंती निमित्ताने वाचन प्रेरणा दिन मोठ्या उत्साहात साजरा करण्यात आला. विद्यार्थ्यांना शालेय ग्रंथालयातील विविध पुस्तके देऊन त्या पुस्तकांचे वाचन करून घेण्यात आले व सर्व विद्यार्थ्यांना डॉ. एपीजे अब्दुल कलाम यांच्या जीवन चरित्राविषयी तसेच वाचन हे आपल्या जीवनातील अतिशय महत्त्वाचे संसाधन आहे याविषयी विद्यालयातील शिक्षक बच्छाव सर यांनी मार्गदर्शन केले. याप्रसंगी विद्यालयाचे प्राचार्य एस. के. भराडे सर तसेच शिक्षक व शिक्षकेतर कर्मचारी उपस्थित होते.