सेंट झेवियर शाळेत वाचन प्रेरणा दिन साजरा

मनमाड येथील सेंट झेवियर हायस्कूल मध्ये एपीजे अब्दुल कलाम यांच्या जयंती निमित्ताने वाचन प्रेरणा दिन मोठ्या उत्साहात साजरा करण्यात आला या निमित्ताने आयोजित कार्यक्रमाप्रसंगी व्यासपीठावर शाळेचे मुख्याध्यापक फादर माल्कम नातो उपमुख्याध्यापिका सिस्टर ज्योत्स्ना, पर्यवेक्षक अनिल निकाळे सर ,कु.रुद्र सचिन इंगळे ,कु.समृद्धी विनायक लव्हाटे आदी मान्यवर उपस्थित होते. कार्यक्रमाच्या सुरुवातीला उपस्थित मान्यवरांनी मा.राष्ट्रपती डॉक्टर एपीजे अब्दुल कलाम यांच्या प्रतिमेस पुष्पहार अर्पण करून आदरांजली वाहिली. त्यानंतर रुद्र सचिन इंगळे याने डॉक्टर एपीजे अब्दुल कलाम यांच्या जीवन कार्याचा थोडक्यात परिचय आपल्या भाषणातला घेतला तर समृद्धी लव्हाटे हीने आपल्या भाषणातून वाचनाचे महत्त्व सांगितले. शाळेचे मुख्याध्यापक फादर माल्कम नातो यांनी आपल्या भाषणातून वाचनामुळे होणारे फायदे सांगून विद्यार्थ्यांनी अधिकाधिक वाचन करावे असे आवाहन केले. कार्यक्रमाचे सूत्रसंचालन कुमारी वृषाली दत्तू काकुळते हीने केले तर आभार प्रदर्शन निकिता गोरख बेदाडे हिने केले. इयत्ता सातवीच्या ब क,ड च्या विद्यार्थ्यांनी,थोर व्यक्तींचे वाचनविषयक सुविचार सादर केले.