Breaking News

[post-marguee]

[ays_poll id=7]

संभाव्य दुष्काळी परिस्थिती लक्षात घेता पशुधनाचा विमा उतरवा

Nov 16, 2026

संभाव्य दुष्काळी परिस्थिती लक्षात घेता पशुधनाचा विमा उतरवा

डॉ. एन. टी. ताठे : पशुविमा हप्त्यावर ८५ टक्के शासनाचे अनुदान

नांदगाव : प्रतिनिधी

नांदगाव तालुक्यातील संभाव्य पाणीटंचाई व दुष्काळी परिस्थिती लक्षात घेता पशुपालक शेतकऱ्यांनी आपल्या पशुधनाला आर्थिक सुरक्षा मिळवून देण्यासाठी राष्ट्रीय पशुधन विमा योजनेंतर्गत किमान एक वर्षाचा पशुविमा तातडीने उतरवून घ्यावा, असे आवाहन पशुधन विकास अधिकारी (विस्तार), पंचायत समिती नांदगाव डॉ. एन. टी. ताठे यांनी केले आहे.

या योजनेचे सर्वात महत्त्वाचे वैशिष्ट्य म्हणजे विमा हप्त्याच्या ८५ टक्के रकमेचे अनुदान शासनाकडून दिले जाते. त्यामुळे पशुपालकांना विमा हप्त्यापोटी केवळ १५ टक्के रक्कम भरावी लागते. प्रत्येक कुटुंबातील जास्तीत जास्त १० पात्र जनावरांचा विमा उतरविता येतो. यामध्ये दुधाळ गाय, बैल, दुधाळ म्हैस, रेडा, शेळी व मेंढी यांचा समावेश आहे.

विमा संरक्षणांतर्गत गाय व बैलासाठी कमाल ७० हजार रुपये, म्हैस व रेड्यासाठी ८० हजार रुपये, तर शेळी व मेंढीसाठी प्रत्येकी ७ हजार रुपये विमा संरक्षण मिळते.

डिजिटल नोंदणी आणि लाभ

या योजनेचा लाभ घेण्यासाठी जनावरांची राष्ट्रीय डिजिटल पशुधन अभियानाच्या पोर्टलवर नोंदणी असणे तसेच कानात १२ अंकी ओळख क्रमांकाचा टॅग असणे आवश्यक आहे. विमा नोंदणीची प्रक्रिया मोबाइलवरील ‘AIC SARAS’ ॲपद्वारे डिजिटल पद्धतीने केली जाते. विम्याची मंजूर रक्कम थेट लाभ हस्तांतरण (DBT) पद्धतीने पशुपालकांच्या बँक खात्यात जमा केली जाते.

नांदगाव तालुक्यातील अनेक शेतकरी कुटुंबांच्या अर्थार्जनाचा पशुधन हा महत्त्वाचा स्रोत आहे. संभाव्य पाणीटंचाई व दुष्काळी परिस्थितीत पशुधनाचे संरक्षण करणे ही काळाची गरज आहे. पशुधनाच्या आकस्मिक मृत्यूमुळे होणारे आर्थिक नुकसान टाळण्यासाठी पशुपालकांनी या योजनेचा लाभ घ्यावा. तसेच जवळच्या पशुवैद्यकीय दवाखान्याशी संपर्क साधून जनावरांचा विमा तातडीने उतरवून घ्यावा, असे आवाहन डॉ. एन. टी. ताठे यांनी केले आहे.

— डॉ. एन. टी. ताठे
पशुधन विकास अधिकारी (विस्तार)
पंचायत समिती, नांदगाव, जि. नाशिक

अजून बातम्या वाचा..

दारू-गुटख्यापलीकडचे नवे व्यसनजाळे; कॉलेज तरुणाईसमोर ‘लपलेल्या’ व्यसनांचे आव्हान प्रभावी जनजागृती आवश्यक

दारू-गुटख्यापलीकडचे नवे व्यसनजाळे; कॉलेज तरुणाईसमोर ‘लपलेल्या’ व्यसनांचे आव्हान प्रभावी जनजागृती आवश्यक

तरुणांमधील व्यसन म्हटले की दारू, सिगारेट, गुटखा किंवा तंबाखू एवढ्यापुरतीच चर्चा केली जाते. मात्र...

read more
अधिसूचित संस्थांना दिली जाणारी कर सवलत होणार रद्द? ७ तारखेच्या बैठकीकडे सर्वांचे लक्ष

अधिसूचित संस्थांना दिली जाणारी कर सवलत होणार रद्द? ७ तारखेच्या बैठकीकडे सर्वांचे लक्ष

भारतात सोने-चांदीची मागणी नेहमीच मजबूत असते. मात्र, या मौल्यवान धातूंची मोठ्या प्रमाणात परदेशातून...

read more
फटाके फोडण्यावर पूर्ण बंदी घालता येणार नाही, पण दिवसभरही फोडता येणार नाही : सर्वोच्च न्यायालय

फटाके फोडण्यावर पूर्ण बंदी घालता येणार नाही, पण दिवसभरही फोडता येणार नाही : सर्वोच्च न्यायालय

आगामी दिवाळीच्या काळात फोडल्या जाणाऱ्या फटाक्यांच्या वापराबाबत बुधवारी सर्वोच्च न्यायालयाने...

read more
[hsas-shortcode group="" speed="10" direction="left" gap="50"]