मुख्यमंत्र्यांबद्दल वादग्रस्त वक्तव्य केल्यामुळे अडचणीत आलेले केंद्रीयमंत्री नारायण राणे यांना मुंबई उच्च न्यायालयाने प्रत्येक एफआयआरसाठी स्वतंत्र याचिका करण्याचे निर्देश दिले आहेत.
याप्रकरणी राणे यांच्यावर सहा पोलिस ठाण्यात गुन्हे दाखल आहेत. पुढील सुनावणी ३० सप्टेंबर रोजी होणार आहे. नारायण राणे यांच्या वक्तव्यानंतर महाड, नाशिक, पुणे, ठाणे, अहमदनगर आणि जळगाव येथे राणेंविरोधात गुन्हे दाखल झाले आहेत. हे सर्व गुन्हे रद्द करण्यासाठी राणे यांनी अड. अशोक मुंदरगी आणि अॅड. अनिकेत निकम यांच्यामार्फत न्यायालयात याचिका दाखल केली आहे. याचिकेवर आज न्या. एस. एस. शिंदे आणि न्या. एन. जे. जमादार यांच्या खंडपीठासमोर सुनावणी झाली, त्यानंतर सदरील निर्देश देण्यात आले आहेत.
