कोणत्याही शासकीय योजनेचा लाभ घेण्यासाठी आवश्यक असलेले दस्त म्हणजे रेशन कार्ड. रेशन कार्ड हि आपली व आपल्या परिवाराची ओळख आहे. शासनाद्वारे दिल्या जाणाऱ्या प्रत्येक योजनेच्या आवश्यक कागदपत्रात रेशन कार्डचा समावेश असतो. कोरोना संसर्गाच्या प्रादुर्भावामुळे त्रस्त नागरीकानादेखील रेशन कार्डच्या माध्यमातून मोफत रेशन देण्यात आले आहे.
आता रेशन कार्ड संबंधीच्या कामांसाठी व नागरिकांच्या सुविधेसाठी कॉमन सर्व्हिस सेंटर (CSC) ने इलेक्ट्रॉनिक्स आणि माहिती तंत्रज्ञान मंत्रालयाच्या अंतर्गत अन्न आणि सार्वजनिक वितरण विभागाशी करार केला. याद्वारे देशभरातील CSC सेन्टर्स मधून रेशन कार्ड संबंधी सेवा उपलब्ध करून दिल्या जातील. या भागीदारीमुळे देशाच्या मोठ्या भागातील लोकांना फायदा होण्याची अपेक्षा आहे. डिजिटल इंडियाने ट्विट करून ही माहिती दिली.
रेशन कार्ड साठी आवश्यक कागदपत्रे :
>> कुटुंबप्रमुखाचा एक पासपोर्ट आकाराचा फोटो
>> रेशन कार्ड रद्द करण्याचे प्रमाणपत्र (आधी रद्द केले असल्यास)
>> कुटुंबप्रमुखाच्या बँक खात्याच्या पहिल्या आणि शेवटच्या पानाची छायाप्रत
>> गॅस पासबुकची फोटोकॉपी
>> संपूर्ण कुटुंब किंवा युनिटच्या आधार कार्डाची छायाप्रत
>> सदस्यांचे जन्म प्रमाणपत्र किंवा हायस्कूल प्रमाणपत्र, मतदार ओळखपत्र किंवा पॅन कार्डची छायाप्रत
>> जात प्रमाणपत्र (SC, ST, OBC) दस्तऐवजाची प्रत (लागू असल्यास)
>> दिव्यांग ग्राहकांसाठी अपंगत्वाच्या प्रमाणपत्राची छायाप्रत
>> मनरेगा जॉब कार्ड धारक असल्यास जॉब कार्डची छायाप्रत
>> उत्पन्नाच्या प्रमाणपत्राची छायाप्रत
>> पत्त्याच्या पुराव्यासाठी वीज बिल, पाणी बिल, घरपट्टी, भाडेनामा यापैकी कोणत्याही एकाची प्रत.
